काठमाडौं – कोरोना भाइरस विरुद्धको चिनियाँ खोप आपूर्ति सम्बन्धमा नेपाल सरकारले प्रश्न उठाएपछि चीनले कागजात पछि उपलब्ध गराइने र अहिले खोप लैजान चेतावनी दिएको छ ।

यसअघि नेपाल सरकारले खोप आपूर्ति गर्ने कम्पनीले आवश्यक कागजात उपलब्ध नगराएको भन्दै चिनियाँ दूतावासालाई पत्र पठाएको थियो । 

नेपालमा खोप आपूर्तिका लागि २ वटा चिनियाँ कम्पनीले अनुमति माग गरेको र प्रक्रिया पूरा नगरेको भन्दै स्पष्ट पार्न दूतावासलाई आग्रह गरिएको थियो ।

नेपालमा चिनियाँ खोप आपूर्तिका लागि ‘पी एन्ड जी होल्डिङ्स प्राइभेट लिमिटेड’ र ‘हसपिटी इन्टरप्राइजेज प्राइभेट लिमिटेड’ले अनुमतिका लागि आवेदन दिएका हुन् । तीमध्ये खोप आयातका लागि कुन कम्पनी आधिकारिक कम्पनी हो भन्ने द्विविधा भएको परराष्ट्र मन्त्रालयले जनाएको छ ।

‘पी एण्ड जी होल्डिङ्स’ले सिंगापुरको कम्पनी ‘ब्लू स्टोन ग्लोबल टेक्नोलोजी प्राइभेट लिमिटेड’मार्फत् खोप आपूर्ति गर्ने भन्दै मूल्यसूची सहित औषधि व्यवस्था विभागमा अनुमति माग गरेको छ । तर ‘पी एण्ड जी’ले पनि खोप आपूर्तिका लागि आवश्यक पर्ने कागजातहरू भने उपलब्ध गराएको छैन ।

हालसम्म औषधि व्यवस्था विभागले भारतको सिरम इन्स्टिच्युटले उत्पादन गरेको ‘कोभिशिल्ड’लाई मात्रै सशर्त आपतकालीन प्रयोग अनुमति दिएको छ । खोप ल्याउनुअघि प्रयोगका लागि उपयुक्त छ कि छैन भनेर अध्ययनपछि औषधि व्यवस्था विभागले अनुमति दिनुपर्ने प्रावधान छ । तर चिनियाँ खोप प्रयोगका लागि नेपाल सरकारले अनुमति पनि दिएको छैन ।

नेपालस्थिति चिनियाँ दूतावासले नेपालको पत्रको जवाफ चेतावनीपूर्ण भाषामा पठाएको छ । नेपाललाई पठाएको पत्रमा भनिएको छ, ‘चीन र नेपालबीचको मित्रता र नेपालले कोभिड–१९ खोपहरुको आग्रहलाई जोड दिँदै चिनियाँ पक्षले अनुदान सहायता प्रक्रियालाई सरल बनाउँदै नेपालका लागि भ्याक्सिन उत्पादन र पुर्‍याउने विशेष व्यवस्था गर्ने निर्णय गरेको छ । नेपाली पक्षलाई अनुदान सहायता अन्तर्गत दान गर्नका लागि सिनोफर्म खोप तुरुन्तै लैजान सुझाव छ । कानूनी प्रावधानसम्बन्धी प्रक्रियाका लागि आवश्यक कागजात एकसाथ पछि प्रदान गर्न सकिन्छ ।’

तत्कालै नेपालले खोप नलगे पछि उपलब्ध हुन नसक्ने समेत चिनियाँ दूतावासले चेतावनी दिएको स्रोतले जनाएको छ । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

चीनमा भेटियो नयाँ भाइरस : मानिसमा पनि संक्रमण, अर्काे माहामारीको चरम रुप लिने चेतावनी

चिनियाँ जासुस अमेरिकामा दोषी ठहर

के अमेरिकासँग चीन डराएकै हो? किन दिइयो अमेरिकी विमान माथि पहिलो आक्रमण नगर्न निर्देशन? 

श्रीलंकाले भन्यो पहिलो मित्र भारत हो, चीनसँग नजिकिनु गल्ती भयो !

चीनद्वारा दुई वटा क्षेप्यास्त्र प्रहार

चीनको किटले डुबायो, हजारौं स्वस्थ मानिसको कोरोना पोजेटिभ, अब के हुन्छ ?