काठमाडौं -  नेपालमा जुन पार्टीको सरकार बन्छ, त्यो पार्टीका नेताको जमघटस्थल बन्छ प्रधानमन्त्री निवास बालुवाटार । विदेशतिर प्रधानमन्त्रीसमेत आफ्नो पार्टीको मुख्यालयमा जाने प्रचलन छ ।

चाहे दिन होस् या राति नै । पार्टीका कुनै कार्यक्रम छन् भने मुख्यालयमै जाने गर्छन् । तर नेपाल भने अपवाद बनेको छ । प्रधानमन्त्री भएका व्यक्ति त पार्टीको केन्द्रीय कार्यालयमा जाँदैनन् नै नेताहरूसमेत प्रधानमन्त्री निवासमै ओहोरदोहोर गरिरहन्छन् ।

सानो छलफलदेखि पार्टीका महत्वपूर्ण बैठक, स्थायी कमिटी, केन्द्रीय समिति तथा पदाधिकारी बैठक पनि बालुवाटारमै हुने गरेको छ । जुन सरकारी सम्पत्तिको चरम दुरुपयोग भएको भन्दै जनतामा असन्तुष्टि छाउन थालेको छ ।

यतिबेला नेकपाको सरकार छ । तर, नेकपाको सचिवालय बैठक, स्थायी कमिटी र केन्द्रीय समितिको बैठकसमेत बालुवाटारमै हुने गरेको छ । पार्टीका गतिविधिमा सबैको पहुँच नपुगोस् भनेर बालुवाटारमा बैठक हुने गरेको प्रस्ट छ ।

तर, अहिले नेकपाका नेताहरूको गोप्य सूचना आफू निकट मिडियामा सजिलै पुर्याइन थालेको छ । बुधबार नेकपाको सचिवालय बैठक बालुवाटारमा बस्यो ।

करिब डेढ घन्टा बसेको बैठकमा नेताहरूले आ–आफ्नो धारणा राखे । पार्टी बैठकमा तीतामिठा सबै कुरा हुन्छन् । तर, प्रधानमन्त्री ओलीले बोलेका धारणा सरकारी मिडियामा लगियो ।

अन्य नेताले बोलेका र विवादमा तानिने कुरा प्रधानमन्त्रीको निजी सचिवालयका सदस्यले मिडियामा लगेको बुझिएको छ । त्यसैले बैठक नसकिँदै कसले के भन्यो, सबै मिडियामा आइसकेका थिए ।

सामाजिक सञ्जाल रंगीन थालिसकेका थिए । बालुवाटारले अहिले नेकपाका पाँच नेताको पछाडि गुप्तचर खटाएको छ । त्यसैले माधवकुमार नेपाल, प्रचण्ड, झलनाथ खनाल, वामदेव गौतम र नारायणकाजी श्रेष्ठका दैनिक अपडेट मिडियाबाट सार्वजनिक गरेर खुइल्याउन थालिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?