काठमाडौं - इस्ट इन्डिया कम्पनीले भारतमा शासन गर्दा ‘फुटाऊ र राज गर’ को नीति अपनाएको थियो । जसकारण भारतीयलाई विभाजित गर्दै सयौं वर्षसम्म अंग्रेजले भारतमा शासन गरे ।

जब महात्मा गान्धीले समग्र भारतलाई जोड्दै अहिंसा आन्दोलन अघि बढाए, तब अंग्रेज शासक आत्तिए । र, अन्त्यमा भारत छाडेर हिँडे । अंग्रेस शासकको सोही नीति अहिले सत्तारुढ नेकपामा प्रधानमन्त्री एवं अध्यक्ष केपी ओलीले अघि बढाएका छन् ।

विभिन्न लोभ र प्रलोभन देखाएर तत्कालीन माओवादी केन्द्रसँग पार्टी एकीकरण गरेपछि ओलीले अहिले त्यही पार्टीका नेतालाई निकाल्ने रणनीति अख्तियार गरेका छन् ।

ओलीले पूर्वमाओवादीका पुष्पकमल दाहाल प्रचण्डलाई एकता महाधिवेशनपछि अध्यक्ष र निर्वाचनपछि प्रधानमन्त्री बनाउने आश्वासन दिएका थिए । अझ दुईबीच भद्र सहमति नै भएको थियो ।

पार्टी एकता भएकै बेला ओली र प्रचण्डबीच साढे दुई वर्ष साढे दु्ई वर्ष प्रधानमन्त्री बन्ने सहमति भएको थियो । तर, ओलीको जालमा परेका प्रचण्ड अहिले किनारा लागेका छन् ।

आधा कार्यकाल प्रधानमन्त्री त के पार्टीको कार्यकारी अध्यक्ष दिएर पनि अहिले आफ्नो उपाध्यक्षको जस्तो व्यवहार गरेका छन् । प्रचण्डले आफूलाई घेराबन्दीमा पार्न लागेको भन्दै ओली अहिले माधवकुमार नेपाल फकाउन लागिपरेका छन् ।

साउनयता चारचोटि भेटेर ओलीले चारवटा प्रस्ताव राखेका छन् । तर, एउटामा पनि उनी अडिन सकेका छैनन् । मौसमअनुसार फरक फरक प्रस्ताव राखेर माधवलाई प्रचण्डको कित्ताबाट आफूतिर ल्याउन प्रयास मात्र गरेका छैनन्, महाधिवेशनमा अध्यक्ष र निर्वाचनपछि प्रधानमन्त्री बनाउने भनेर आश्वासनसमेत दिएका छन् ।

यस्तो आश्वासन ओलीले वामदेव गौतमलाई पनि दिएका थिए । तर, उनै ओलीले गौतमको राजनीतिक भविष्य नै सिध्याइदिएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

ओली र प्रचण्ड निकट मिडियाले खेदेपछि बोले माधव नेपाल, दिए यस्तो चेतावनी

दशैंको मुखैमा अधिकांश मन्त्रीको पद धरापमा, माधव नेपालले गरे यस्तो प्रस्ताव !

माधव नेपालले अन्तिम पटक अध्यक्षमा उठ्ने घोषणा गरेपछि प्रचण्डलाई भाउन्न

प्रचण्ड र माधव नेपाल मिल्दा बाग्मती र प्रदेश १ का मुख्यमन्त्रीमा बढ्यो छटपटी

ओलीले भन्दा नमानेपछि माधव नेपाल निवासमा दोस्रो तहका नेताको धर्ना

ओलीको सबै जिम्मेवारी खोसिने माधव पक्षका नेताले गरे खुलासा