राजनीतिक बिशेष
दशैंको मुखैमा अधिकांश मन्त्रीको पद धरापमा, माधव नेपालले गरे यस्तो प्रस्ताव !
दशैंको मुखैमा अधिकांश मन्त्रीको पद धरापमा, माधव नेपालले गरे यस्तो प्रस्ताव !
काठमाडौं - नेकपा सचिवालय बैठकमा मन्त्रिपरिषद् पुनर्गठनको एजेन्डामाथि छलफल भएसँगै सरकारमा रहेका सबै मन्त्रीहरू त्रस्त बनेका छन् ।
अधिकांश मन्त्रीहरू दशैंसम्म पनि आफ्नो पद नजोगिने हो कि भन्ने चिन्ताले छटपटीमा परेका छन् । आइतबार पेरिसडाँडामा बसेको सचिवालय बैठकमा शीर्ष नेताहरूबीच मन्त्रिपरिषद् पुनर्गठन गर्ने विषयमा छलफल भएको थियो ।
जसमा नेताहरूबीच नै मत बाझिएको थियो । प्रधानमन्त्री केपी ओलीले केही मन्त्री मात्र हेरफेर गर्ने प्रस्ताव गरेका थिए । तर, पार्टीका कार्यकारी अध्यक्ष पुष्पकमल दाहाल प्रचण्ड, माधवकुमार नेपाललगायतले एक दुईजना मन्त्री मात्र फेरेर सरकार प्रभावकारी नहुने धारणा राखेका थिए ।
प्रचण्डले पार्टीका वरिष्ठ नेताहरूलाई पनि सरकारमा सामेल गर्ने प्रस्ताव गरेका थिए । उनले केही होइन, धेरै मन्त्री फेर्नुपर्ने प्रस्ताव गरेका थिए । तर, वरिष्ठ नेता माधव नेपालले पूरै सेट फेर्नुपर्ने प्रस्ताव गरेपछि मन्त्रीहरूको निदहराम भएको छ ।
यदि नेता नेपालको प्रस्तावमा पार्टी सचिवालय बैठकले निर्णय गरेमा दशैंअघि नै सबै मन्त्रीको पद जानेछ । ओली सरकारमा अहिले २२ मन्त्री छन् । तीनवटा मन्त्रालय मन्त्रीविहीन छन् ।
प्रधानमन्त्री ओली आफैंले अर्थ मन्त्रालय चलाउने मनस्थिति बनाएका छन् । त्यसका लागि उनले डा.युवराज खतिवडालाई विशेष आर्थिक सल्लाहकार बनाएर बालुवाटार भित्र्याइसकेका छन् ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४