काठमाडौं - कर्णाली प्रदेश सरकारमा देखिएको विवाद अन्ततः मन्त्रिपरिषद् पुनर्गठन गर्ने विषयमा सहमतिमा टुंगिएको छ ।

मन्त्रिपरिषद् पुनर्गठन हुनुअघि कर्णालीका सरकार र नेकपाका प्रदेश पदाधिकारीलाई काठमाडौं बोलाइएको छ । सम्भवतः प्रधानमन्त्री केपी ओली र पुष्पकमल दाहाल प्रचण्डबाट केही सन्देशसहित उनीहरू कर्णाली फिर्नेछन् । तर, कर्णालीको बाछिटाले बाग्मती र प्रदेश नम्बर १ का मुख्यमन्त्री क्रमशः डोरमणि पौडेल र शेरधन राईमा छटपटी बढेको छ ।

कर्णालीको विवाद समाधान गर्न नेकपा कार्यकारी अध्यक्ष प्रचण्ड र वरिष्ठ नेता माधवकुमार नेपालबीच आन्तरिक सहकार्य भएको छ । यसले प्रधानमन्त्री ओली समूहलाई चिन्ता थपेको छ ।

प्रधानमन्त्री ओलीले केन्द्रमा आफ्नो समूहलाई पेल्दै गएपछि प्रचण्ड र नेपालबीच सहकार्य भएको हो । बाग्मती र प्रदेश १ मा ओली पक्षका मुख्यमन्त्री छन् ।

पार्टीमा बहुमत हुँदाहुँदै पनि नेपाल समूहले केही अवसर पाएको छैन । ओली पक्षकै चार नेताले मुख्यमन्त्री पाएका छन् । त्यसैले यसपटक बाग्मती र प्रदेश १ मा मुख्यमन्त्री फेरिने प्रबल सम्भावना रहेको नेकपाकै नेताहरु बताउँछन् ।

यदि प्रचण्ड र नेपाल समूहले दबाब बढाएमा बाग्मती प्रदेशमा अष्टलक्ष्मी शाक्य र प्रदेश १ मा भीम आचार्य मुख्यमन्त्री बन्ने दिशामा नेकपामा समीकरण बन्दै गएको स्रोतले बताएको छ । तर, त्यसका लागि केन्द्रको मन्त्रिपरिषद् पुनर्गठन कसरी हुन्छ ? त्यसमै निर्भर रहने नेपाल पक्षीय एक नेताले बताए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

प्रचण्ड नै पत्याएनन् केपी ओलीको नीति, तत्कालै यस्तो दिए प्रतिक्रिया

बालुवाटारमै केपी ओलीलाई ठूलो धक्का, सचिवालय बैठकमा प्रचण्डको अडानले तुहियो भित्रि योजना !