राजनीतिक विशेष
ओलीको सबै जिम्मेवारी खोसिने माधव पक्षका नेताले गरे खुलासा
ओलीको सबै जिम्मेवारी खोसिने माधव पक्षका नेताले गरे खुलासा
काठमाडौं - नेकपामा आन्तरिक विवाद चुलिँदै जाँदा नेताहरुका धारणा पनि तीव्र रुपले सार्वजनिक भइरहेका छन् । प्रधानमन्त्री एवं पार्टी अध्यक्ष केपी ओली पक्ष रक्षात्मक बनेको छ भने प्रचण्ड र माधव नेपाल समूह निकै आक्रमक ढंगले अघि बढेको छ ।
पूर्वमाओवादी पक्षका नेताहरुले ओलीले प्रधानमन्त्री र अध्यक्षबाट राजीनामा दिनुपर्ने बताउँदै आइरहेका छन् । अब माधव नेपाल समूहका नेताहरु पनि ओलीविरुद्ध खनिन थालेका छन् ।
जसमध्ये सुरेन्द्र पाण्डे, अष्टलक्ष्मी शाक्य र बेदुराम भुसाल अग्रपंक्तिमा पर्छन् । यसैक्रममा नेकपाका पोलिटब्युरो सदस्य डा.बेदुराम भुसालले पार्टीको बैठकमा जान्न भन्ने प्रधानमन्त्री ओलीको सबै जिम्मेवारी खोसिने तयारी भइरहेको खुलासा गरेका छन् । नेपाली रेडियो नेटवर्कसँग बुधबार कुरा गर्दै भुसालले पार्टी अध्यक्ष नै बैठकमा जान्न भन्ने कुरा विधि, पद्धति र प्रक्रियाविरुद्ध रहेको बताए ।
‘बैठकमा जान्न भन्ने कुरा व्यक्तिवादी कुरा हो । समस्या त्यही नै हो । पार्टी अध्यक्ष भएर बैठकमा बस्न सक्नु हुन्न भने छाड्नु पर्यो’, उनले भने, ‘उहाँ आउनु हुन्न भने बैठक चल्छ । बहुमतले निर्णय गर्छ । पार्टी अगाडि बढ्छ ।’
नेता भुसालले सचिवालयको बैठक मात्र नभई स्थायी समिति, पोलिट ब्युरो र केन्द्रीय कमिटीको बैठकसमेत पूर्वनिर्धारित रहेको बताए । नेता भुसालले पार्टीले केपी ओलीलाई जिम्मेवारीबाट हटाउन सक्ने चेतावनी दिएका छन् ।
‘केपी ओली को हो र ? उहाँलाई पार्टीबाट निल्न नसक्ने । जिम्मेवारीअनुसार काम गर्न नसक्ने हो भने त्यस्ता व्यक्तिलाई निकाल्न सकिन्छ । कारबाही होइन । जिम्मेवरी दिने वा नदिने हो । जिम्मेवारी पार्टीले फिर्ता लिन सक्छ,’ उनले भने ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४