सुख-दु:ख गरेर यहाँसम्म आइपुगेका 'जोय बाइडेनकाे नालीबेली'
सुख-दु:ख गरेर यहाँसम्म आइपुगेका 'जोय बाइडेनकाे नालीबेली'
अमेरिकाकाे इतिहासकै सबैभन्दा पाका राष्ट्रपतीका रुपमा ७७ वर्षको आउँदो जनवरी २० ४६ औं राष्ट्रपती बन्दै गरेका जोय बाइडेन करिब ४८ वर्षअघि राजनीतिमा उदाएका हुन् ।
२९ वर्षको उमेरमा माथिल्लो सदन सिनेटको सदस्यमा निर्वाचित भएर अमेरिकी केन्द्रीय राजनीतिमा बाइडेन उदाएका थिए ।
यसअघि नै पनि दुई पटक राष्ट्रपति बन्ने तयारी गरेका बाइडेन तेस्रोत पटक सफल बनेका हुन् । सन् १९८८ मा र सन् २००८ मा बाइडेनले फेरी राष्ट्रपतिका लागि उठ्न खोजेका थिए ।
तर, पार्टीभित्रकै अर्का प्रतिद्धन्द्धीसँगकाे छलफलपछि बाइडेन उम्मेदवारीमा उठ्न पाएका थिएनन् । राष्ट्रपति डोनाल्ड ट्रम्पसँग ठूलो मतान्तरले चुनाव जित्न सफल बाइडेनले ८ वर्ष ओबामा कार्यकालमा उपराष्ट्रपतिको जिम्मेवारी सम्हालेका थिए ।
पेन्सिलभेनियाको स्क्रान्टनमा सन् १९४२ को नोभेम्बर २० मा जन्मिएका बाइडेन पिता जोसेफ बाइडेन सिनियरको जागिर गुमेसँगै १३ वर्षकाे उमेरमा डेलवर बसाईँ सरेका थिए । बाइडेनका पिता कार मेकानिक तथा बिक्रेता थिए ।
भकभकाउने समस्याका कारण बाल्यकालमा ‘बुली’ भएका बाइडेन अझैं पनि केही शब्द उच्चारण गर्न सक्दैनन् । युनिभर्सिटी अफ डेलवरमा इतिहास र राजनीतिशास्त्र अध्ययन गरेका बाइडेन त्यतिबेलादेखि नै राजनीतिमा लागेका थिए ।
स्नातक पास गरेको १ वर्षपछि सन् १९६६ मा कलेजकै साथी निलिया हन्टरसँग विवाह गरेका बाइडेन सन् १९६८ मा विलमिङ्गटन बसाईँ सरेका थिए । त्यहाँ ल फर्ममा कानूनी सेवा अभ्यास थालेका बाइडेन सोही क्रममा डेमोक्र्याटिक पार्टीको सक्रिय सदस्य भएका थिए भने उनी सन् १९७० मा उनी न्यू कास्टल काउन्टीको काउन्सिलमा निर्वाचित भएका थिए ।
निलिया हन्टर
केही समय न्यायधिवक्ताका रुपमा समेत काम गरेका बाइडेनले सन् १९७१ मा आफ्नो ल फर्म समेत सुरु गरेका थिए । बाइडेन र निलियाले सन् १९६९ मा बो बाइडेन, १९७० मा हन्टर बाइडेन तथा १९७१ मा नाओमी बाइडेनलाई जन्म दिएका थिए ।
बो बाइडेन
यसपछि सन् १९७२ पछि बाइडेनको जिवनमा खुसी र दुख दुवै आयो । सन् १९७२ मा डेलवरबाट इतिहासकै कान्छो सिनेट सदस्य बनेका बाइडेनलाई सोही वर्ष पारिवारिक वियोग भयो ।
हन्टर बाइडेन
सन् १९७२ को क्रिसमस अर्थात नयाँ वर्ष सनु १९७३ लाग्नुको एक हप्ता पहिले बाइडेनकी श्रीमती र तीनै सन्तान सडक दुर्घटनामा परे । सो क्रममा उनले श्रीमती निलिया र छोरी नाओमीलाई गुमाए भने उनका छोरा बो र हन्टर घाइते भए ।
त्यसपछि छोराहरुकै लागि विलमिङ्गटनमा बसेका बाइडेन हरेक दिन वासिङ्गटनबाट रेल यात्रा गर्दै विलमिङ्गटन जान्थे । निलिया बितेको ६ वर्षपछि उनले डा. जिल बाइडेनसँग विवाह गरे।
जोय बाइडेन र उनकी दोस्रो श्रीमती
जिलले सन १९८१ मा छोरी एश्लीलाई जन्म दिएकी थिइन्। जिलले हन्टर र बो तथा एश्लीको पालन पोषण गरेकी हुन्।
लगातार राजनीतिमा सक्रिय बाइडेनले पारिवारिक वियोग भने झनै पाए । सन् २०१५ मा बाइडेनका छोरा बो बाइडेनको क्यान्सरबाट निधन भयो ।
लगातार राजनीतिमा पनि दुई पटक असफल भएका बाइडेन अर्काे वियोगमा परेसँगै उनले आात्मह त्याको विषयमा सोचेको समेत बाइन्छ ।
उनले सन् १९७२ देखि २००९ सम्म सिनेटमा विभिन्न कमिटिमा एवं उपराष्ट्रपतिका रुपमा काम गरेका बाइडेनलाई विदेश नीतिमा अब्बल मानिन्छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४