काठमाडौं - नेकपाका नेता एवं पूर्वमन्त्री लालबाबु पण्डित सोमबार एकाएक पत्रकार र मिडियाविरुद्ध उत्रिए ।

कोरोना महामारीका कारण निमुखा जनताले उपचार गर्न नपाएर ज्यान गुमाउनु परेका बेला सरकारले सांसदहरुलाई दशैंभत्ता खातामा हालिदिएको तथ्य मिडियाले नै बाहिर सार्वजनिक गरेको थियो । जसको चौतर्फी विरोधपछि सरकारले नै दशैंभत्ता फिर्ता गर्दै कोरोना कोषमा राख्न बाध्य भयो ।

आफ्नो बैंक खातामा सित्तैमा आएको ६४ हजार गुमाउनु परेको पीडा ‘साइकल मन्त्री’ भनेर चिनिएका पण्डितलाई धेरै देखियो । उनले आफ्नो पीडा सार्वजनिक रूपमा बाहिर ल्याउँदै भने, ‘पत्रकारहरूले पनि तलब र दशैंभत्ता फिर्ता गर्नुपर्छ ।’

पण्डितको यस्तो अभिव्यक्तिपछि नेपाली जनताले बल्ल महसुस गरेका छन्, हामीले कस्ता नेतालाई चुनेर संसदमा पठाएका रहेछौं भनेर । पण्डित राजनीतिलाई पेसा मान्दा रहेछन् ।

राजनीति गरेपछि तलब खान पाइन्छ भन्ने उनको बुझाइ देखियो । जबकि पत्रकारिता र राजनीति एउटै होइन भन्नेसमेत उनले थाहा पाएका रहेनछन् । पण्डित कतिसम्म ढाेंगी हुन् भन्ने कुरा केही अघि नै नेपाली जनताले थाहा पाइसकेका छन् ।

साइकल चढेको पनि उनले गाडीमा पेट्रोल हालेको भन्दै राज्यबाट सुविधा लिएका थिए । त्यति मात्र होइन, चुनावमा देशविदेशबाट सहयोग संकलन गरी पठाएको ५५ लाख रुपैयाँ उनले आफ्नै बैंक खातामा राखेका थिए ।

यस्ता व्यक्तिलाई पत्रकारका पीडा कसरी थाहा पाउनू ? विभिन्न मिडियामा कार्यरत पत्रकारले चैतदेखिकै तलब नपाएको भन्दै प्रधानमन्त्री निवास बालुवाटारमा थाल ठटाउँदै आन्दोलन गरिरहेकोसमेत उनले भेउ पाएनन् ।

श्रमजीवी पत्रकारले आठ घन्टाभन्दा बढी दैनिक परिश्रम गर्छन् भन्नेसमेत थाहा नपाउने व्यक्तिबाट नेपाली शासित हुनु निकै लाजमर्दो विषय भएको टिप्पणी हुन थालेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

एमालेभित्र लालबाबु पण्डितको विद्रोह : केपी ओलीले दिएको पद नखाने घोषणा