काठमाडौँ-  यस वर्षको लागि वाणिज्य बैङ्कहरुको साधारणसभाको सिजन सुरु भएको छ । यो वर्ष माछापुच्छ्रे बैङ्कले वाणिज्य बैङ्कहरुमध्येमै पहिलोपटक साधारणसभाको मिति घोषणा गरेर वाणिज्य साधारणसभाको सिजन सुरु भएको संकेत गरेको हो ।

माछापुच्छ्रे बैङ्कले आगामी कात्तिक ६ गते पोखरामा बस्नेगरी साधारणसभा बोलाएको हो । कात्तिक ७ गते बडादसैँको फुलपाती पर्छ । त्यसको अघिल्लो दिन बिहान ११ बजे पोखराको होटल पोखरा ग्राण्डमा सो साधारणसभा आह्वान गरिएको हो ।

सो साधारणसभामा बैङ्क सञ्चालक समितिले प्रस्ताव गरेको १०.४० प्रतिशत लाभांश प्रस्ताव पारित गर्ने, आगामी आर्थिक वर्षका लागि लेखापरीक्षकको नियुक्त गर्ने र ३ जना सञ्चालकको निर्वाचन गर्ने एजेन्डा तय गरेको छ ।

माछापुच्छ्रे बैङ्कको असोज १ गतेको सञ्चालक समिति बैठकले शेयरधनीहरुलाई अघिल्लो वर्षको नाफाबाट ३.३७ प्रतिशतले हुने नगद लाभांश र ७.०३ प्रतिशतले हुने बोनस शेयर वितरण गर्ने प्रस्ताव गरेको थियो ।

राष्ट्र बैङ्कबाट स्वीकृत लेखापरीक्षण प्रतिवदनका आधारमा उक्त लाभांश प्रस्ताव गरिएको हो । माछापुच्छ्रे बैङ्कसँग हाल ८ अर्ब ४५ करोड ८४ लाखको चुक्ता पुँजी छ ।

उक्त पुँजीको १०.४० प्रतिशतले हुने करिब ८७ करोड ९६ लाख ८१ हजार रुपैयाँ वितरण गर्ने प्रस्ताव गरेको हो । सो बैङ्कले आफ्नो लेखापरीक्षण नगरिएको वित्तीय विवरणमा ९० करोड ८२ लाख रुपैयाँ लाभांश वितरण गर्ने क्षमता रहेको जनाएको थियो । यो लाभांश वितरणपछि कम्पनीको चुक्ता पुँजी ९ अर्ब रुपैयाँभन्दा माथि पुग्नेछ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

भारतबाट माछापुच्छ्रे बैंकमा बिना अतिरिक्त शुल्क पैसा पठाउन सकिने

माछापुच्छ्रे बैंकले ल्यायो नेपालमै पहिलो पटक विच्याट वालेट भुक्तानी सेवा

माछापुच्छ्रे  बैंकको एटिएम मेशिन तोडफोड, एक जना पक्राउ

माछापुच्छ्रे बैंकले यी स्थानमा थप्यो थप ६ शाखा रहित बैकिङ सेवा