काठमाडौं - रौतहट जिल्लामा हनुमान मन्दिरका पुजारी श्रीराम साहको हत्यामा संलग्न दुई जनालाई प्रहरीले पक्राउ गरेको छ ।

प्रहरीको विशेष टोलीले बधुबार बिहान दश बजे दुई जनालाई पक्राउ गरेको २ नं. प्रदेश प्रहरी कार्यालय जनकपुरका प्रमुख एवम् डीआईजी धिरजप्रताप सिंहले जानकारी दिए ।

डीआईजी सिंहले पुजारीको हत्यामा विवाद र रिसिइबी रहेको प्रारम्भीक अनुसन्धानबाट खुल्न आएको बताएका छन् । पक्राउ पर्नेमा देवाही गोनाही नगरपालिका–१ का ३६ वर्षीय नरेश भन्ने रामनरेश राउत पटेल र २८ वर्षीय बालकुमार पटेललाई बिहान १० बजे बौधिमाई नगरपालिका– ७ बंकुल एरियाबाट पक्राउ गरिएको छ ।

घटनामा अन्य केही व्यक्तिहरू पनि संलग्न रहेको र उनीहरूको खोजी कार्य जारी रहेको डीआईजी सिंहले बताएका छन् । माधवनारायण नगरपालिका– २ खैस्रैया चौकस्थित हनुमान मन्दिरका पुजारी ६५वर्षीय श्रीराम साहलाई उनीहरूले भदौ ३ गते राति साढे ८ बजे कञ्चटमा गोली प्रहार गरेर हत्या गरेका थिए । हत्या भएको दुई हप्ताभित्र प्रहरीले गोली हान्ने प्रमुख योजनाकारहरूलाई पक्राउ गरेको छ ।

रामनरेश पटेलले कटुवा पेस्तोलले पुजारी साहलाई गोली हानेको प्रहरीले जनाएको छ । बालकुमार पटेलले घटनास्थल नजिकै बसेर मानिसहरूको आवत जावत हेरेका थिए । गोली हानेर उनीहरू फरार भएका थिए ।

अनुसन्धानका क्रममा रामनरेश पटेलको बुबाले पुजारी साहसँग ब्याजमा रकम लिएको खुल्न आएको डीआईजी सिंहले जानकारी दिए । रकम तिर्ने क्रममा पुजारी साह र रामनरेशका बुबाबीच विवाद भएको थियो ।

मन्दिर नजिक ३ वटा रक्सी पसल रहेको र रक्सी सेवन पश्चात मन्दिरको पानीको धारामा आएर पानी प्रयोग गरेको विषयमा पुजारी र नरेश पटेलबीच विवाद भएको अनुसन्धानबाट खुलेको छ ।

पक्राउ परेका दुबैलाई जिल्ला अदालत रौतहटमा पेस गरेर दश दिन थुनामा राखेर अनुसन्धान गर्न अनुमति लिइएको विज्ञप्तिमा उल्लेख छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कम्युनिस्ट सरकारको यस्तो हर्कत, गोप्य पत्र पठाएर पुजारी हत्याको विरोधमा हुने प्रदर्शन रोक्न उर्दी

पुजारीको हत्याले खुल्याे ओलीको रहस्य, कांग्रेस नेताले गरे खुलासा

राैतहटमा हत्या गरिएका पुजारीको सपना  यसरी पूरा हुँदै

पुजारी हत्याकाण्ड : निष्पक्ष छानबिनको माग गर्दै चर्कियो आन्दोन

एकाएक गृहमन्त्रीको राजीनामा माग