काठमाडौं– सरकारले काठमाडौं उपत्यकामा ' लकडाउन' (निषेधाज्ञा) लागू गर्ने तयारी गरेको छ। कोरोना संक्रमण भयावह हुने स्थिति देखिएपछि काठमाडौं उपत्यकामा पनि निषेधाज्ञा लागू गर्ने तयारी भएको हो।

भक्तपुरकी प्रमुख जिल्ला अधिकारी हुमकला पाण्डेका अनुसार उपत्यकाका काठमाडौं, ललितपुर र भक्तपुरका प्रमुख जिल्ला अधिकारीबीच आन्तरिक छलफल भइरहेको हो।

उनका अनुसार काठमाडौं उपत्यकाका तीनवटै जिल्लाका प्रमुख जिल्ला अधिकारीले गत ३० गते रातिदेखि लागू हुने गरी विभिन्न आदेशहरू दिएका थिए।

अत्यावश्यक बाहेकका पसल बन्द गर्न, भिडभाड, जात्रा, सभा, जुलुस, महोत्सव जस्ता गतिविधि नगर्न, सरकारले जारी गरेका स्वास्थ्यका मापदण्ड पालना गर्न आम सर्वसाधारणलाई आग्रह गरिएको थियो। तर भीडभाड नरोकिने र कतिपय मानिस स्वास्थ्यका मापदण्ड पालना गर्न आनाकानी गर्ने गर्न थालेपछि थप कडाइ गर्नुपर्ने अवस्था आएको बताइन्।

अत्यावश्यकबाहेक सबै गतिविधि बन्द हुने गरी निषेध लागू गर्ने तयारी भइरहेको हो। तीनवटै जिल्ला प्रशासन कार्यालयहरु गृहमन्त्रालयको निर्देशनको पर्खाइमा रहेको र निर्देशन नआए आफै निर्णय लिने तयारीमा रहेको पाण्डेले बताइन्।

यस विषयमा सरकारले पनि छलफल गरिरहेको उनको भनाइ छ। अहिले देशका ७७ जिल्लामध्ये आधाभन्दा बढी जिल्लामा निषेधाज्ञा लागू गरिएको छ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

अन्तत: काठमाडौं उपत्यका प्रवेश निषेध !

कोरोनाले उग्ररुप लिएपछि भदौ १५ सम्म सार्बजनिक यातायात बन्द !

देशव्यापी लकडाउन नगर्ने मन्त्रिपरिषद्को निश्कर्ष , हेर्नुहोस निर्णयहरू

भोलि रातिदेखि  काठमाडौंमा एकहप्ता लकडाउन !

आज बेलुका बाट काठमाडौँ उपत्यका निषेधाज्ञा : के गर्न पाइन्छ, के गर्न बन्देज ? [ सूचनासहित ]

आजरातिबाट काठमाडौं उपत्यकामा निषेधाज्ञा, हेर्नुहोस् के के गर्न पाइदैैन् !