काठमाडौँ- निर्वासनमा रहेको तिब्बती सरकारले संयुक्त राज्य अमेरिकाले चिनियाँ अधिकारीहरुमाथि लगाएको प्रतिबन्धको निर्णयको स्वागत गरेका छन् ।

भारतीय समाचार एजेन्सी एएनआईसँग कुरा गर्दै निर्वासित तिब्बत सरकारका प्रवक्ता टीजी आर्यले भने, "मलाई लाग्द अमेरिकाले चिनियाँ अधिकारीहरुमाथि चालेको कदम धेरै राम्रो छ ।

किनभने चीनले निश्‍चित नियमहरुको पालना गर्नुपर्छ । तर, चीनले तिब्बत, उइगर र मंगोलियामा गरिरहेको गतिविधि प्रशंसायोग्‍य छैन ।" उनले थपे, "त्यहाँ विभिन्‍न मानवअधिकार उल्लंघनका घटनाहरु भएका छन् ।

धार्मिक स्वतन्त्रतालाई कुण्ठित पारिएको छ । अन्तर्राष्ट्रिय समुदायले भनिरहेको कुरालाई चीनले कुनै चासो दिइरहेको छैन ।" चीनले स्वायत्त क्षेत्र तिब्बत र तिब्बती क्षेत्रहरुमा चीनले लगातार दमन र शोषण गरिरहेको छ ।

सन् २०१८ मा तिब्बतमाथि गरेका गतिविधिको समानान्तर हुने गरी अमेरिकाले चिनियाँ कम्युनिस्ट पार्टी र चीन सरकारका अधिकारीहरुमाथि प्रतिबन्ध लगाउने निर्णय गरेको हो ।

यसअघि अमेरिकी विदेशमन्त्री माइक पोम्पिओले तिब्बती क्षेत्रहरु क्षेत्रीय स्थायित्व र शान्तिका लागि महत्वपूर्ण भएको बताएका थिए ।

उनले तिब्बतमा भइरहेका मानवअधिकार विरोधी गतिविधिको विरोध गरेका थिए । तिब्बतीयन तथा विश्वभरका समर्थकहरुले निर्वासनमा रहेका तिब्बती धार्मिक गुरु दलाई लामाको ८५ औं जन्मोत्सव मनाएपछि अमेरिकी विदेशमन्त्रीको उक्त अभिव्यक्ति आएको हो ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

चिनियाँ अधिकारीद्वारा ५९ तिब्बतीयन परिवारलाई बलपूर्वक स्थानान्तरण

कुनै समयको आक्रामक चीन अहिले 'अपिजर'

नेपाल र श्रीलन्कामा चीनले हस्तक्षेप बढायो : अमेरिका

 बाढीले रुवायो चिनियाँ किसान, खाद्यान्‍नको मूल्य बढ्ने चिन्ता 

मंगोलियास्थित चिनियाँ दूतावासअघि प्रदर्शन, ३० प्रदर्शनकारी प्रकाउ

मंगोलियामाथी दमनको बिरुद्ध जापानमा चीन बिरोधी प्रदर्शन