काठमाडौं - लकडाउनका बेला पठाइ नभएको समयको शुल्क बुझाउन निजी विद्यालय सञ्चालकहरूको छाता संगठन एनप्याब्सन र प्याब्सनले अभिभावकलाई दवाव दिएको छ ।

एनप्याब्सन अध्यक्ष ऋतुराज सापकोटा र प्याब्सन अध्यक्ष टीकाराम पुरीले आइतबार संयुक्त रुपमा विज्ञप्ति जारी गरेर लकडाउनको बेलाको पनि शुल्क तिर्न विद्यार्थीका अभिभावकलाई आग्रह गरेका हुन् ।

उनीहरूलाई विद्यालयमा उपस्थित भई पूरानो शुल्क बाँकी रहेको भए चुक्ता र नयाँ शैक्षिक सत्रअनुसार विद्यार्थी भर्ना गरी शुल्क उपलब्ध गराइदिन अभिभावकलाई आग्रह गरेका छन् । कोरोना महामारीका कारण विद्यालय बन्द हुँदा चरम आर्थिक संकट भोग्नुपरेको निजी विद्यालय सञ्चालकहरूको भनाइ छ ।

निजी विद्यालयको एकमात्र आर्थिक स्रोत अभिभावकले तिर्ने शुल्क भएकोले समयमै उपलब्ध गराइदिन आग्रह गरेका छन् । उनीहरूले कोरोना महामारीपछि आर्थिक संकटका बेला सरकारले निजी विद्यालयलाई राहतलगायत सहयोग नगरेको जनाएका छन् ।

निजी विद्यालयले गत वैशाखदेखि आफ्नै पहलमा वैकल्पिक विधिबाट पठनपाठन गराउँदै आएको पनि उल्लेख गरेका छन् ।

‘लकडाउनले विद्यालय बन्द हुँदा आम्दानी शुन्य भएको छ’, विज्ञप्तिमा भनिएको छ, ‘विद्यालयमा आश्रित २ लाखभन्दा बढी शिक्षक, कर्मचारी र उनीहरूका परिवारले जीवनयापन कठिन भएको छ ।’ ‘भाडामा सञ्चालित विद्यालयले भाडा तिर्न सकेका छैनन्’, विज्ञप्तिमा उल्लेख छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

त्रिभुवन विश्वविद्यालयका प्राध्यापकहरुले भने- भदौ ७ गते क्याम्पसमा पुगिदैन

अन्तत: त्रिविले टुंगो लायो परीक्षा मिति, यस्तो छ तयारी !

असोज ४ गतेदेखि नै विद्यालय खुल्ने

स्वास्थ्य सुरक्षा मापदण्ड पूरा गरी विद्यालय सञ्चालन हुदै

चैतदेखि बन्द विद्यालय खुले, यसरी हुने भयो पढाइ

काठमाडौैंमा विद्यालय खुले, कोरोना संकटको जिम्मा कसले लिन्छ ?