काठमाडौं– देशभरका ६ महानगरपालिकामध्ये सबैभन्दा बढी बेरुजु रकम काठमाडौं महानगरपालिकामा देखिएको छ। मेयरका रूपमा बालेन्द्र शाह नेतृत्वमा रहेको अवधिमा आर्थिक अनुशासन र खर्च पारदर्शितामाथि गम्भीर प्रश्न उठ्ने गरी उच्च बेरुजु देखिएको हो।

महालेखा परीक्षकको कार्यालयले सार्वजनिक गरेको ६२औं वार्षिक प्रतिवेदनअनुसार आर्थिक वर्ष २०८०/८१ मा काठमाडौं महानगरपालिकाको २७ अर्ब ५२ करोड ४४ लाख रुपैयाँको लेखा परीक्षण गरिएकोमा ६८ करोड २ लाख रुपैयाँ बेरुजु देखिएको छ। यो कुल परीक्षण रकमको २.४७ प्रतिशत हो, जुन ६ महानगरमध्ये सबैभन्दा बढी हो।

बेरुजु खर्च पारदर्शिता, प्रक्रिया पालना र वित्तीय अनुशासनमा कमजोरीको संकेतका रूपमा लिइन्छ। यति ठूलो परिमाणको बेरुजु फर्छ्योट नगरी मेयर शाहले गत माघ ४ गते पदबाट राजीनामा दिएका थिए। आगामी फागुन २१ गते हुने निर्वाचनका लागि उनी राष्ट्रिय स्वतन्त्र पार्टीबाट प्रधानमन्त्रीको उम्मेदवार बनेका छन्। उनी झापा–५ बाट केपी शर्मा ओलीसँग चुनावी प्रतिस्पर्धामा उत्रिएका छन्।

अन्य महानगरपालिकाको तुलनामा काठमाडौंको बेरुजु उल्लेख्य रूपमा बढी देखिएको छ। प्रतिवेदनअनुसार पोखरा महानगरपालिकामा १३ अर्ब ४६ करोड ७२ लाख रुपैयाँको लेखा परीक्षण हुँदा ५० करोड ४३ लाख रुपैयाँ बेरुजु देखिएको छ।

वीरगञ्ज महानगरपालिकामा २२ करोड ७५ लाख रुपैयाँ बेरुजु रहेको छ। यस्तै, भरतपुर महानगरपालिकाको बेरुजु १० करोड २ लाख रुपैयाँ र ललितपुर महानगरपालिकाको ५ करोड ५५ लाख रुपैयाँ देखिएको छ।

प्रतिशत र रकम दुवै हिसाबले सबैभन्दा कम बेरुजु विराटनगर महानगरपालिकामा देखिएको छ। आर्थिक वर्ष २०८०/८१ मा ६ अर्ब ४४ करोड ७६ लाख रुपैयाँको लेखा परीक्षण हुँदा २ करोड ८ लाख ५७ हजार रुपैयाँ (०.३२ प्रतिशत) मात्र बेरुजु देखिएको प्रतिवेदनमा उल्लेख छ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

स्थापितपछि बालेन शाह पनि विवादमा, आफ्नो सबै गीतमा महिलालाई हेपेको गुनासो

मेयर निर्वाचित भएलगत्तै बालेनले थाले काम, फोहोर व्यवस्थापनबारे दिएको अभिव्यक्तिले सनसनी  !

बालेन, हर्क र गोपाल हमाललाई समर्पित गर्दै सीडी विजय अधिकारीले ल्याए नयाँ गीत (भिडियो)

एक महिना पनि टिकेन बालेनको फूर्तीफार्ती, फोहोर उठाउन नसकेपछि देउवाले बोलाएर दिए यस्तो निर्देशन

काठमाडौंमा सुरुभयो बालेन आतंक! बैठक भत्तामा १ करोड ३८ लाख रुपैयाँ

हुबहु पास भएन बालेनको नीति कार्यक्रम, गर्नुपर्यो झिनाझपेटी  !