काठमाडौं - पाँच विदेशी नागरिकसहित उडेको मनाङ एयरको हेलिकोप्टर सम्पर्कविहीन भएको छ ।

लुक्लाबाट मंगलबार काठमाडौंका लागि उडेको मनाङ एयरको हेलिकप्टर सम्पर्कविहीन भएको हो।

त्रिभुवन विमास्थलका प्रवक्ता टेकनाथ सिटौलाले मंगलबार बिहान १० बजे लुक्लाबाट उडेको हेलिकप्टर सवा १० बजे सम्पर्कविहीन भएको जानकारी दिए ।

हेलिकप्टरमा पाँचजना विदेशी नागरिक र पाइलट नेपाली छन्। मनाङ एयरका प्रबन्ध निर्देशक राजु न्यौपानेले सिधा काठमाडौं आउनुपर्ने जहाज अहिलेसम्म सम्पर्कमा नआएको बताए ।

९ एनए एमभी कलसाइन भएको हेलिकप्टर सम्पर्कविहीन भएपछि खोजी कार्य जारी रहेको छ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

मनाङ एयर दुर्घटना: ६ जनाकै मृत्यु