काठमाडौं - नेपाल आयल निगमले सोमबार मध्यरातिदेखि लागू हुने गरी हवाई इन्धनको मूल्य घटाएसँगै मंगलबार हवाई भाडासमेत घटेको छ।

नेपाल नागरिक उड्डयन प्राधिकरणकाअनुसार आन्तरिक उडानमा न्यूनतम ६० रुपैयाँदेखि अधिकतम ७५० रुपैयाँसम्म हवाई भाडा कटौती भएको हो ।

आयल निगमले इन्धनको मूल्य प्रतिलिटर १४ रुपैयाँले घटाएसँगै हवाई कम्पनीहरुले झन्डै १० प्रतिशत भाडा घटाएका हुन् ।

माउन्टेल फ्लाइटमा चार सय ८५ ररुपैयाँ घटेको छ। काठमाडौं–धनगढी उडानमा ६ सय १५ रुपैयाँ घटेको छ । विरानटनगर–नेपालगञ्ज उडानमा सात सय ५० रुपैयाँ घटेको छ। काठमाडौं–सिमरा उडानमा एक सय २५ रुपैयाँ घटेको छ।

याँ भाडादरअनुसार यसअघि ४ हजार ५०५ रुपैयाँ भाडा रहेको काठमाडौं–भद्रपुर उडानका लागि अब ४ हजार ६६५ रुपैयाँ लाग्ने छ । यसअघि २ हजार ३८० रुपैयाँ रहेको काठमाडौं–पोखराको नयाँ भाडा २ हजार १५५ रुपैयाँ तोकिएको छ ।

काठमाडौंंबाट माउन्टेन फ्लाइट ४८५, भद्रपुर ४२०, विराटनगर ३३५, जनकपुर १८०, भरतपुर १५०, पोखरा २२५, भैरहवा २८५, नेपालगञ्ज ४५५, तुम्लिङटार२६०९ र सिमाराका लागि १२५ रुपैयाँ कम भएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।