काठमाडौ-  स्वास्थ्य तथा जनसंख्या मन्त्री मोहनबहादुर बस्नेतले सरकारी अस्पतालमा विपन्न, असहाय र बेवारिसे बिरामीको उपचार निःशुल्क गर्ने अभियनले सफलता पाइरहेको छ ।

बिहिवार उपत्यकाका गंगालाल हृदयरोग केन्द्र, प्रसूति गृह, कान्तिबाल र शुक्रराज ट्रपिकल सरुवा रोग अस्पतालले पनि विपन्नका लागि शैया निःशुल्क गराउने निर्णय गरेपछि मन्त्री बस्नेतको अभियानले सफलता पाउन थालेको हो ।

यसरी विपन्नका लागि निःशुल्क गराएका अस्पतालको शैयाको संख्या २ हजार २८ पुगेको छ । भोलिदेखि कान्तिबाल अस्पतालले ६० शैया, परोपकार प्रसुति तथा स्त्री रोग अस्पतालले ४५० शैया, ट्रमा सेन्टरले १५० शैया र शहिद गंगालाल हृदयरोग केन्द्रले ९० शैया निःशुल्क गर्ने निर्णय गरेका छन् ।

यसरी अहिले सम्म विपन्नका लागि निःशुल्क घोषणा गरिएका शैयाको संख्या २ हजार २८ पुगेको छ । वीर अस्पतालले आफ्ना ७०० शैया र कोशी अस्पतालले ३३० शैया विपन्नका लागि निःशुल्क गन यस अगाडिनै घोषणा गरिसकेका छन् ।

स्वास्थ्य तथा जनसंख्या मन्त्री बस्नेतले बिस्तारै देशभरिका केन्द्रिय अस्पतालहरुमा पनि विपन्नका लागि निःशुल्क शैया थप्दै जाने बताए  । उनले ती शैयामा उपचार पनि निःशुल्क हुने जानकारी दिए।

शैया निःशुल्क गरेपछि अस्पतालहरु माथि पर्ने आर्थिक भार कम गर्ने केहि बजेट सम्बन्धीत अस्पतालले व्यवस्थापन गर्ने र अपुग रकम स्वास्थ्य मन्त्रालयले बेहोर्ने गरि काम भईरहेको मन्त्री बस्नेतले जानकारी दिएका छन्।

स्वास्थ्य उपचार पाउनु जनताको संवैधानिक अधिकार भएकाले बजेट अभाव भयो भन्दै सरकार पन्छिन नमिल्ने भएकाले यो निर्णय सबै अस्पतालहरुले कार्यन्वयन गरेरै छाडेने दावी मन्त्री बस्नेतले दाबि गरे।

निजी अस्पतालहरुलाई पनि जिम्मेवार बनाउन नियम अनुसार उनीहरुले पनि कुल शैयाको १० प्रतिसत शैया विपन्नका लागि निःशुल्क छुट्याउनु पर्ने नियम पनि कडाईका साथ आफूले लागु गराई रहेको मन्त्री बस्नेतले जानकारी दिएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस निकट खेलकुद संघको विवाद अन्त्य

ओलीले चुनाव गरेर गल्ती सच्याउनुपर्छ, काँग्रेस चुनावका लागि तयार छः काँग्रेस नेता मोहनबहादुर बस्नेत

कांग्रेस नेता बस्नेतले भने– राष्ट्रपति केपी ओली गुटको कार्यकर्ता, प्रधानमन्त्री भ्रष्टाचारीका संरक्षक

'कोरोना संक्रमितको उपचारमा होइन, खोपको कमिसनमा ओली सरकार चुर्लुम्म'

एमालेबाट निर्वाचित गाउँपालिका अध्यक्ष कांग्रेसमा प्रवेश, शेरबहादुरलाई ठूलो झट्का

कांग्रेस नेता बस्नेतले गरे विद्यालय भवन उद्घाटन, हेलम्बुमा खुसियाली