काठमाडौं - नेपाली कांग्रेसका केन्द्रीय सदस्य एवं पूर्वसञ्चारमन्त्री मोहनबहादुर बस्नेतले राष्ट्रपति विद्यादेवी भण्डारी र प्रधानमन्त्री केपी ओलीको कार्यशैलीप्रति आपत्ति जनाएका छन् ।

नेता बस्नेतले राष्ट्रपति भण्डारी केपी ओली गुटको कार्यकर्ता मात्र नभई संविधानविरोधी क्रियाकलापका मतियार भएको टिप्पणी गर्दै प्रधानमन्त्री ओली भ्रष्टाचारीका संरक्षक भएको आरोप पनि लगाएका छन् ।

आइतबार मिडियाडबलीसँगको कुराकानीमा नेता बस्नेतले अहिलेको लकडाउन ओलीको सत्ता लम्ब्याउने खेल मात्र भएको दाबी गरेका छन् । उनले सरकारले पहिलो चरणको कोभिड १९ को संक्रमणलाई विशेष स्वास्थ्य नीति बनाएर सावधानी अपनाएको भए दोस्रो चरणको संक्रमण भयावह नहुने भन्दै सरकारकै कारण अहिलेको अवस्था आएको उल्लेख गरे ।

पूर्वमन्त्री बस्नेतले जनताको ज्यानभन्दा कर उठाउने कुरा महत्वपूर्ण हो भन्ने सरकारका प्रवक्ता पार्वत गुरुङको भनाइलाई पागलपन संज्ञा दिए । ‘प्रधानमन्त्री केपी ओलीको सरकार टिकाउन सांसद अपहरण र किनबेचमा सक्रिय देखिनु संसदीय व्यवस्थाको अपमान मात्र होइन, संघीयताको खिल्ली उडाउनु पनि हो,’ उनले भने ।

बस्नेतको सरकारप्रति ७ बुँदे आरोप

१. सरकारले पहिलो चरणको कोभिड १९ को संक्रमणलाई विशेष स्वास्थ्य नीति बनाएर सावधानी अपनाएको भए दोस्रो चरणको संक्रमण भयावह हुने थिएन ।

२. जनताको ज्यानभन्दा कर उठाउने कुरा महत्वपूर्ण हो भन्ने सरकारका प्रवक्ताको भनाइ पागलपन हो ।

३. प्रधानमन्त्रीको इसाराविना वाइडबडी र सुरक्षा मुद्रणालय काण्ड भएको होइन

४. प्रदेश प्रमुखहरु र राष्ट्रपतिको केपी ओली गुटका कार्यकर्ता मात्र होइनन् संविधानविरोधी क्रियाकलापका मतियार पनि भएका छन् ।

५. प्रधानमन्त्री केपी ओलीको सरकार टिकाउन सांसद अपहरण र किनबेचमा सक्रिय देखिनु संसदीय व्यवस्थाको अपमान मात्र होइन, संघीयताको खिल्ली उडाउनु पनि हो ।

६. हिजो प्रधानमन्त्री केपी ओलीले प्रतिनिधिसभा भंग गरेपछि प्रतिगमन भयो भनेर आन्दोलन गर्नेहरु केपीकै सरकार टिकाउन मत हाले भने उहाँलाई के भन्ने ?

७. नेपालको लकडाउन केपी ओलीको सत्ता लम्ब्याउने खेल मात्र भएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस निकट खेलकुद संघको विवाद अन्त्य

ओलीले चुनाव गरेर गल्ती सच्याउनुपर्छ, काँग्रेस चुनावका लागि तयार छः काँग्रेस नेता मोहनबहादुर बस्नेत

'कोरोना संक्रमितको उपचारमा होइन, खोपको कमिसनमा ओली सरकार चुर्लुम्म'

एमालेबाट निर्वाचित गाउँपालिका अध्यक्ष कांग्रेसमा प्रवेश, शेरबहादुरलाई ठूलो झट्का

कांग्रेस नेता बस्नेतले गरे विद्यालय भवन उद्घाटन, हेलम्बुमा खुसियाली 

सडकमा मकै पोल्दै गर्दा काठमाडौं महानगरले खेदेका निमुखा आचार्यलाई कांग्रेस नेता बस्नेतको ५१ हजार सहयोग