काठमाडौं - सोमबार बिहान एउटा दैनिक अखबारमा नक्कली शरणार्थी प्रकरणमा संलग्न रहेको भन्दै कांग्रेस नेतृ आरजु देउवा र सिटौलालाई पक्राउ गर्न गृहमन्त्री नारायणकाजी श्रेष्ठको निर्देशन भन्ने समाचारले तरंग ल्यायो ।

अन्य कुनै मिडियामा समाचार नआउनु र आर्थिक समाचार लेख्ने सो दैनिकमा राजनीतिक विषयमा समाचार आउनु आफैंमा आश्चर्य थियो।

त्यो समाचारले दिनभरि हलचल मच्चाएपछि अपराह्नतिर गृह मन्त्रालयले विज्ञप्ति सार्वजनिक गर्दै समाचार कपोकल्पित, भ्रामक र झुटो भएको भन्यो ।

त्यसमा गृहमन्त्री श्रेष्ठले आरजु र सिटौलालाई पक्राउ गर्न निर्देशन नदिएको उल्लेख थियो । यो घटनाले गृह मन्त्रालय कसले चलाउँछ भन्ने शंका उब्जेको छ ।

त्यही गृहमन्त्रीको हवाला दिँदै समाचार छापिन्छ । अनि दिउँसो त्यही मन्त्रालयले खण्डन गर्दै समाचार भ्रमपूर्ण रहेको भनेर आउँछ भने सरकार नै कसले चलाइरहेको छ भन्ने जनताले प्रश्न सोध्न थालेका छन् ।

गृहमन्त्री श्रेष्ठ कहिल्यै पनि कांग्रेस र यसका नेतासँग राम्रो सम्बन्ध छैन । उनी कांग्रेसका नेतालाई मनै पराउँदैनन् । अहिले बाध्यताले गर्दा मात्र उनी संयुक्त सरकारमा रहेका हुन् ।

अझै पनि उनी कम्युनिस्ट पार्टी मिलेर सरकार चलाउनुपर्छ भन्ने मान्यता राख्छन् । यही बेला कांग्रेसलाई खुइल्याउन सकिन्छ भनेर श्रेष्ठले सूचना दिएको हुन सक्ने गृह स्रोतले जानकारी दिएको छ ।

नक्कली शरणार्थी प्रकरणमा कांग्रेसका नेता बालकृष्ण खाँण, आङटावा शेर्पा पनि सामेल भएकाले अन्य नेताको नाम मुछ्दा पार्टीको बदनाम गर्न सकिन्छ भन्ने बुझाई श्रेष्ठको रहेको बताइन्छ ।

माओवादी नेता श्रेष्ठ चीनसँग नजिक मानिन्छन् । चिनियाँ स्वार्थमा निर्णय गर्ने भएकाले पनि उनले सधैं सत्तामा बस्ने अवसर पाउँदै आएका छन् ।

तर आगामी निर्वाचनमा भने श्रेष्ठ प्रवृत्तिका नेताहरू सबै पाखा लाग्ने परिस्थिति सिर्जना हुँदै गएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कोरोना बढ्न थालेपछि गृह मन्त्रालयबाट देशभरका सीडीओलाई यस्तो निर्देशन

होली कार्यक्रम गर्नेलाई पक्राउ गरेर यस्तो कारवाही गर्न देशभरका सीडीओ र प्रहरीलाई निर्देशन

विभूषणबाट लिम्पियाधुरा कसरी गायब भयो ? सरकारको यस्तो जवाफ 

गृह मन्त्रालयले निकाल्यो निषेधाज्ञा लागू भएका ४५ जिल्लाको सूची, कहाँ कति कडा ?

मन्त्री बिनाको गृह मन्त्रालयमा आकस्मिक बैठक बस्यो, देशभर यस्तो कडा निर्देशन

आवतजावतबारे यी प्रशासनहरूलाई गृह मन्त्रालयको विशेष निर्देशन