काठमाडौं – गृह मन्त्रालयले उद्योग प्रतिष्ठान र सीमावर्ती भन्सारबाट मालसामान ओसार्ने सवारीसाधनलाई ढुवानीका क्रममा राजमार्गमा आवतजावत गर्न कुनै अवरोध नगर्न प्रहरीलाई निर्देशन दिएको छ ।

यसअघि सरकारले कोरोना महामारी नियन्त्रणका लागि भन्दै अत्यावश्यकीय वस्तु तथा सेवाबाहेक अन्य सामग्रीलाई काठमाडौं उपत्यका प्रवेशमा रोक लगाएको थियो ।

प्रहरीले रोक्दा भन्सारबाट जाँचपास भएर भित्रिएका र औद्योगिक उत्पादन बोकेका गाडी काठमाडौं उपत्यका प्रवेश गर्न पाएका थिएनन् । काठमाडौं उपत्यकाका जिल्लामा कोरोना संक्रमण तीब्र बढेपछि कडाइ गरिएको हो ।

गृह मन्त्रालयले बुधबार मातहतका २० वटा जिल्ला प्रशासन कार्यालयलाई पत्र लेखेर ढुवानी सहजीकरण गर्न निर्देशन दिएपछि समस्या समाधान भएको छ । झापा, मोरड, बारा, पर्सा, रुपन्देही, कपिलवस्तु, बाँकेलगायत मुख्य नाका र राजमार्गमा पर्ने जिल्ला प्रशासनलाई ढुवानीका साधनलाई गन्तव्यसम्म जान र फर्किने सहज व्यवस्था मिलाउन निर्देशन दिइएको छ ।

सरकारले खाद्यान्न, औषधि, उपचार सामग्री तथा उपकरण लगायत २१ वस्तुबाहेक अन्य वस्तुको ढुवानीमा रोक लगाएको थियो । भन्सारबाट निस्किएका ढुवानी साधनलाई प्रहरीले बाटोमा रोक्ने गरेको थियो ।

करीब १ हप्तासम्म कन्टेनर र ट्रक ढुवानीमा विलम्ब शुुल्क (डिटेन्सन) तिर्नुपरेको वीरगञ्ज उद्योग वाणिज्य संघका अध्यक्ष सुबोधकुमार गुप्ताले जानकारी दिए । ‘सरकारी निर्देशनले नाका र राजमार्गमा ढुवानीका साधनलाई रोकिँदा औद्योगिक कच्चा पदार्थ र उत्पादनको आपूर्ति प्रभावित भएको थियो । गृह मन्त्रालयले सहजीकरणको निर्देशन दिएकाले निकास मिलेको छ,’ उनले भने ।

मन्त्रालयले भन्सार नाकाबाट उद्योगको कच्चा पदार्थ र सहायक कच्चा पदार्थ बोकेर भित्रिएका ट्रक र कन्टेनरलाई गन्तव्यसम्म जान दिन जिल्ला प्रशासन कार्यालयलाई निर्देशन दिएको छ । मन्त्रालयका शाखा अधिकृत भास्कर दाहालले हस्ताक्षर गरेको पत्रमा मालबाहक साधनलाई गन्तव्यसम्म जान र फर्किने व्यवस्थाका लागि सहजीकरण गर्न निर्देशन दिइएको छ । आजको आर्थिक अभियान दैनिकमा समाचार प्रकाशित छ । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कोरोना बढ्न थालेपछि गृह मन्त्रालयबाट देशभरका सीडीओलाई यस्तो निर्देशन

होली कार्यक्रम गर्नेलाई पक्राउ गरेर यस्तो कारवाही गर्न देशभरका सीडीओ र प्रहरीलाई निर्देशन

विभूषणबाट लिम्पियाधुरा कसरी गायब भयो ? सरकारको यस्तो जवाफ 

गृह मन्त्रालयले निकाल्यो निषेधाज्ञा लागू भएका ४५ जिल्लाको सूची, कहाँ कति कडा ?

मन्त्री बिनाको गृह मन्त्रालयमा आकस्मिक बैठक बस्यो, देशभर यस्तो कडा निर्देशन

नयाँ गृहमन्त्री आएपछि देशभरका सीडीओलाई यस्तो निर्देशन, परिपत्रमा चुनावबारे के छ ?