काठमाडौं - काठमाडौं महानगरपालिकाका प्रमुख बालेन्द्र साहको कार्यकक्षमा ग्रेटर नेपालको नक्सा राखिएको छ।

दुई दिनअघि नै मेयरको कार्यकक्षमा ग्रेटर नेपालको नक्सा राखिएको हो । तर बिहीबार मात्र मिडियामा सार्वजनिक भएको हो ।

काठमाडौं महानगरपालिकाका एक कर्मचारीले मेयर साह भारतको बैंगलोरमा भए पनि कार्यकक्षमा ग्रेटर नेपालको नक्सा राखिएको जानकारी दिए ।

बालेन श्रीमतीको उपचारका लागि बैंगलोरमा रहेको बताइन्छ । भारत जानुअघि बालेनले आफू आउनुअघि नै कार्यकक्षमा ग्रेटर नेपालको नक्सा राख्न निर्देशन दिएअनुसार उनी बस्ने कुर्सी पछाडि नक्सा राखिएको छ ।

भारतले आफ्नो नयाँ संसद् भवनमा अखण्ड भारतको नक्सा राखेको छ । जसमा नेपालको कपिलवस्तु, लुम्बिनी र विराटनगर समावेश छ । भारतले यसलाई सांस्कृतिक नक्सा भनेर जवाफ दिएको छ ।

नेपाल सरकारले औपचारिक रूपमा कुनै धारणा सार्वजनिक गरेको छैन । काठमाडौंका मेयर बालेन्द्र साहले भने सरकारकै धारणा आउनुअघि सुरुमै आफ्नो कार्यकक्षमा ग्रेटर नेपालको नक्सा राखेका छन् ।

धरानका मेयर हर्कराज साम्पाङ राईले पनि आफ्नो कार्यकक्षमा ग्रेटर नेपालको नक्सा राख्ने घोषणा गरेका छन् । उनले बालेनले ग्रेटर नेपालको नक्सा राखेकोमा धन्यवाद दिँदै अब धरानको मेयरको कार्यकक्षमा ग्रेटर नेपालको नक्सा राखिने सामाजिक सञ्जालमार्फत जानकारी दिएका छन् ।

अब विस्तारै अन्य स्थानीय तहमा पनि यसको अनुशरण हुने प्रबल सम्भावना छ । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

स्थापितपछि बालेन शाह पनि विवादमा, आफ्नो सबै गीतमा महिलालाई हेपेको गुनासो

मेयर निर्वाचित भएलगत्तै बालेनले थाले काम, फोहोर व्यवस्थापनबारे दिएको अभिव्यक्तिले सनसनी  !

बालेन, हर्क र गोपाल हमाललाई समर्पित गर्दै सीडी विजय अधिकारीले ल्याए नयाँ गीत (भिडियो)

एक महिना पनि टिकेन बालेनको फूर्तीफार्ती, फोहोर उठाउन नसकेपछि देउवाले बोलाएर दिए यस्तो निर्देशन

काठमाडौंमा सुरुभयो बालेन आतंक! बैठक भत्तामा १ करोड ३८ लाख रुपैयाँ

हुबहु पास भएन बालेनको नीति कार्यक्रम, गर्नुपर्यो झिनाझपेटी  !