काठमाडौं - काठमाडौं महानगरपालिका प्रमुख बालेन्द्र साह (बालेन) को ध्यान अहिले शिक्षा र स्वास्थ्यमा केन्द्रित भएको छ ।

सरकारी तथा निजी अस्पतालले विपन्न वर्गका लागि अनिवार्य निःशुल्क १० प्रतिशत बेड छुट्याउन उनले सूचना नै जारी गरेका थिए ।

नभए उनले त्यस्ता अस्पतालको प्रशासनमा ताला लगाउने चेतावनी दिएका थिए । स्वास्थ्यमन्त्री मोहनबहादुर बस्नेतलाई भेटेरै अल्टिमेटम दिएका थिए ।

मन्त्री बस्नेतले मन्त्रालयलाई सूचना निकाल्न लगाएरै निजी तथा सरकारी स्वास्थ्य संस्थालाई विपन्नका लागि १० प्रतिशत बेड छुट्याउन निर्देशन दिएका छन् ।

उनी यो कामका लागि दिनरात लागिरहेका छन् । केही दिनअघि काठमाडौं महानगर प्रमुख बालेनले निजी विद्यालयलाई विपन्न विद्यार्थीलाई छात्रवृत्ति दिएको सूची सार्वजनिक गर्न निर्देशन दिएका थिए ।

यदि छात्रवृत्ति उपलब्ध गराएको विवरण नपठाए सबै विद्यालयको नाम सार्वजनिक गरिदिने चेतावनी दिएका थिए । तर धेरै विद्यालयले छात्रवृत्तिको विवरण उपलब्ध नगराएपछि बालेनले मंगलबार त्यस्ता विद्यालयको सूची सार्वजनिक गरिदिएका छन् ।

काठमाडौं महानगरपालिकाले गत जेठ १० गते १० प्रतिशत विद्यार्थीलाई छात्रवृत्ति प्रदान गर्न र त्यसको विवरण वेबसाइटमा प्रकाशित गर्न भनेको थियो।

त्यसअनुसारको विवरण पेस नगर्ने ३४२ वटा विद्यालयको सूची प्रकाशित गरेको छ। ती विद्यालयलाई जेठ २८ गतेभित्र छात्रवृत्ति उपलब्ध गराएको विवरण पठाउन र प्रकाशित गर्न अन्तिम समयसीमा महानगरले दिएको छ।

जेठ २८ गतेसम्म पनि विवरण नबुझाएमा काठमाडौँ महानगरपालिका शिक्षा ऐन, २०७५ को दफा ५६ को उपदफा ४ अनुसार विद्यालयलाई प्रदान गरिएको अनुमति वा स्वीकृति रद्द अथवा प्रचलित कानूनबमोजिम हदैसम्मको कारबाही गर्ने जानकारी पनि दिएको छ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

स्थापितपछि बालेन शाह पनि विवादमा, आफ्नो सबै गीतमा महिलालाई हेपेको गुनासो

मेयर निर्वाचित भएलगत्तै बालेनले थाले काम, फोहोर व्यवस्थापनबारे दिएको अभिव्यक्तिले सनसनी  !

बालेन, हर्क र गोपाल हमाललाई समर्पित गर्दै सीडी विजय अधिकारीले ल्याए नयाँ गीत (भिडियो)

एक महिना पनि टिकेन बालेनको फूर्तीफार्ती, फोहोर उठाउन नसकेपछि देउवाले बोलाएर दिए यस्तो निर्देशन

काठमाडौंमा सुरुभयो बालेन आतंक! बैठक भत्तामा १ करोड ३८ लाख रुपैयाँ

हुबहु पास भएन बालेनको नीति कार्यक्रम, गर्नुपर्यो झिनाझपेटी  !