काठमाडौं - संघीय संसदको १६ वटा संसदीय समितिमध्ये सार्वजनिक लेखा समिति निकै महत्वपूर्ण मानिन्छ ।

संसदीय शासन व्यवस्थामा लेखा समितिको सभापति प्रमुख प्रतिपक्षी दलले पाउने व्यवस्था छ । किनभने सरकारलाई चेक एन्ड ब्यालेन्स गर्न पनि लेखा समितिको सभापति विपक्षी दललाई दिने व्यवस्था गरिएको हो ।

सरकारको अपारदर्शी खर्चलाई लेखा समितिले अंंकुश लगाउने गर्छ । त्यसैले सार्वजनिक लेखा समितिको सभापति को बन्ला भन्ने धेरैको चासो हुन्छ ।

अहिलेसम्म नेपालमा सार्वजनिक लेखा समितिको सभापति निष्कलंक र विवादरहित नेतालाई बनाइँदै आएको थियो । तर यसपटक एमालेले सार्वजनिक लेखा समितिको सभापति विवादास्पद चरित्रका नेतालाई बनाउने भएको छ ।

जो आफैं ७० करोड घुसकाण्डले सञ्चारमन्त्री गुमाएका नेता हुन् । एमालेले काभ्रेका सांसद गोकुल बास्कोटालाई सार्वजनिक लेखा समितिको सभापति बनाउने भएको छ ।

एमालेले संघीय संसदअन्तर्गतका समितिमा पार्टीका तर्फबाट पठाउने सदस्यको नाम टुंगो लगाउँदा बास्कोटाको नाम सार्वजनिक लेखा समितिमा परेको छ ।

सार्वजनिक लेखा समितिमा योगेश भट्टराई, अच्युतप्रसाद मैनाली, दामोदर भण्डारी, ऋषिकेश पोखरेल, सराज अहमद फारुकी, तारा लामा तामाङ र रुक्मणी राना बराइलीको नाम सिफारिस गरिएको छ ।

सेक्युरिटी प्रिन्टिङ प्रेस खरिदमा ७० करोड घुस बार्गेनिङ गरेको अडियो सार्वजनिकपछि उनीमाथि छानबिन गर्नुपर्ने माग सार्वजनिक रूपमा उठे पनि बास्कोटाले उन्मुक्ति पाउँदै आएका छन् ।

एमाले संसदीय दलका प्रमुख सचेतक पदम गिरीले प्रतिनिधिसभाका १० वटा विषयगत समिति र राष्ट्रिय सभासहितको संयुक्त समितिमा पार्टीवाट प्रतिनिधित्व गर्ने गरी संघीय संसद् सचिवालयलाई नाम बुझाइएको जानकारी दिए ।

एमालेले संघीय संसद् सचिवालयमा बुझाएको सूचीमा केपी ओलीलाई अन्तर्राष्ट्रिय सम्बन्ध, विष्णु पौडेललाई अर्थ, सुवास नेम्वाङलाई कानुन, न्याय तथा मानव अधिकार, योगेश भट्टराईलाई सार्वजनिक लेखा समिति सदस्यमा सिफारिस गरिएको छ ।

विवादास्पद पृष्ठभूमिका सांसदलाई पनि एमालेले संसदीय समितिमा सदस्य बनाउन प्रस्ताव गरेको छ । फरार सांसदको सूचीमा रहेका लक्ष्मी महतो कोइरीलाई उद्योग तथा वाणिज्य र श्रम तथा उपभोक्ता हित समितिमा सभामुखलाई नाम बुझाइएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

गृहमन्त्री थापा विरुद्ध उत्रिए गोकुल बास्कोटा, दिए यस्तो दनक 

अख्तियारले ‘क्लिन चिट’ दिन लागेका गोकुल बाँस्कोटा फेरी मन्त्री बन्दै!

७० करोड प्रकरण : बार्गेनिङ गर्नेलाई पुरस्कृत, सूचना बाहिर ल्याउनेलाई कारबाही

गोकुल बाँस्कोटाको जागिर खाइदिने मिश्रलाई अख्तियारले बोलायो, के हो कारण? 

७० करोड कान्ड : अख्तियारले जारी गर्यो यस्तो पत्र, मान्छेको भागाभाग !

७० करोड काण्ड : बाँस्कोटाको जागिर खाइदिने विजयप्रकाश मिश्रले मुख खोले