काठमाडौं - केपी ओली नेतृत्वको कम्युनिस्ट सरकार कतिसम्म भ्रष्टाचारमा डुबेको छ भन्ने ज्वलन्त उदाहरण ७० करोड घुसकाण्ड बनेको छ ।

दूरसञ्चारको ठेक्का प्रकरणमा तत्कालीन सञ्चारमन्त्री गोकुल बास्कोटाले एजेन्ट विजय मिश्रसँग ७० करोड रुपैयाँ घुस मागेको अडियो क्लिप्स बाहिरिएको थियो । बहालवाला मन्त्रीले नै घुस मागेको अडियो बाहिरिएपछि गत वर्ष फागुन ६ गते सञ्चारमन्त्री बास्कोटाले पदबाट राजीनामा दिएका थिए ।

उनले आफूले घुस नमागेको प्रस्टीकरण पनि दिएका थिए । बास्कोटा प्रधानमन्त्री ओलीका अति विश्वासपात्र थिए । सरकारले गरेका कामको बचाउ गर्ने काम उनले नै गर्दै आएका थिए ।

त्यति मात्र होइन, बास्कोटा प्रधानमन्त्री ओलीको बालकोटस्थित निवासमा बस्दै आएका थिए । हालै मात्र उनी आफ्नो नयाँ घरमा सरेका छन् ।

अख्तियार दुरुपयोग अनुसन्धान आयोगका आयुक्त राजनारायण पाठकले भक्तपुरको एउटा क्याम्पसको मुद्दामा ८० लाख घुस लिएको र पछि फिर्ता गरेको अडियो सार्वजनिक भएको थियो । जसमा उनी कारबाहीको भागीदारसमेत बने ।

उनीविरुद्ध कारबाही गर्न प्रमाण पर्याप्त भयो । तर, अहिले त्यस्तै प्रकृतिको मुद्दामा प्रमाण नपुगेको भन्दै बास्कोटालाई चोख्याउने प्रपञ्च भइरहेको छ । त्यसका लागि दैनिक पत्रिकासमेत प्रयोग भएका छन् ।

बास्कोटालाई उन्मुक्ति दिन अख्तियारले भित्रभित्रै तयारी गरिरहेको तथ्य सार्वजनिक भइसकेको छ । त्यति मात्र होइन, अब हुने मन्त्रिपरिषद् पुनर्गठनमा बास्कोटालाई फेरि सञ्चारमन्त्री बनाउने प्रधानमन्त्री ओलीको तयारी छ ।

त्यसकै लागि घुसकाण्डको अडियो सार्वजनिक गर्ने एजेन्ट विजय मिश्रलाई कारबाहीको तयारी हुँदैछ । उनलाई मुख्य अभियुक्त घोषणा गर्ने कम्युनिस्ट सरकारको योजना छ ।

प्रधानमन्त्री ओली जब जब आफ्ना सरकारका मन्त्री भ्रष्टाचार वा अनियमिततामा मुछिन्छन्, तबतब प्रस्टीकरण दिन टेलिभिजन अन्तर्वार्तामा आइपुग्छन् ।

उनले अहिलेसम्म एकजना भ्रष्ट मन्त्रीलाई कारबाही गर्न सकेका छैनन् । बरु उनीहरूको संरक्षण र बचाउ गर्दै आएका छन् ।

उपप्रधानमन्त्री ईश्वर पोखरेल, खानेपानी मन्त्री विना मगर, श्रममन्त्री रामेश्वर राय यादव, स्वास्थ्यमन्त्री भानुभक्त ढकाल जो जनतामा गन्हाइसकेका छन्, तिनीहरूको रक्षाकवचमा ओली देखिएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

गृहमन्त्री थापा विरुद्ध उत्रिए गोकुल बास्कोटा, दिए यस्तो दनक 

अख्तियारले ‘क्लिन चिट’ दिन लागेका गोकुल बाँस्कोटा फेरी मन्त्री बन्दै!

गोकुल बाँस्कोटाको जागिर खाइदिने मिश्रलाई अख्तियारले बोलायो, के हो कारण? 

७० करोड कान्ड : अख्तियारले जारी गर्यो यस्तो पत्र, मान्छेको भागाभाग !

७० करोड काण्ड : बाँस्कोटाको जागिर खाइदिने विजयप्रकाश मिश्रले मुख खोले

बदनाम हुँदै बाहिरिएकालाई धमाधम नियुक्ति दिँदै ओली, अब गोकुल बास्कोटा ल्याउने !