गोकुल बाँस्कोटाको जागिर खाइदिने मिश्रलाई अख्तियारले बोलायो, के हो कारण?
गोकुल बाँस्कोटाको जागिर खाइदिने मिश्रलाई अख्तियारले बोलायो, के हो कारण?
काठमाडौं– पूर्वमन्त्री एवं नेकपाका नेता गोकुल बाँस्कोटाको अडियो सार्वजनिक गर्ने विजय प्रकाश मिश्रलाई अख्तियार दुरूपयोग आयोगले बयानका लागि बोलाएको छ ।
अख्तियारले मंगलबार सातदिने सूचना जारी गर्दै मिश्रलाई बयानका लागि बोलाएको हो । सेक्युरिटी प्रिन्टिङ प्रेस खरीद प्रक्रियामा स्वीस कम्पनीका स्थानीय एजेन्टसँग ७० करोड कमिसनका लागि मोलमोलाइ गरेको सम्बन्धमा अनुसन्धान गर्नुपर्ने भएकाले उपस्थित हुन अख्तियारले उनलाई भनेको छ ।
स्विस कम्पनीका स्थानीय एजेन्ट बताउने मिश्रले गत फागुनमा तत्कालीन सञ्चार तथा सूचना प्रविधि मन्त्री गोकुल बाँस्कोटाले ७० करोड कमिसन डिल गरेको दाबी गर्दै अडियो सार्वजनिक गरेका थिए । उक्त अडियो सार्वजनिक लगत्तै बाँस्कोटाले नैतिकताका आधारमा राजीनामा दिए पनि त्यो फेक भएको बताउँदै आएका छन् ।
यसबारे उजुरी परेपछि छानबिन थालेको अख्तियारले कमिसन अडियो प्रकरणमा जोडिएका मिश्रलाई बयानका लागि बोलाएको साँघु साप्ताहिकले लेखेको छ।
अख्तियारले ७ दिनभित्र आयोगको प्रहरी महाशाखाका अनुसन्धान अधिकृतसँग सम्पर्क राख्न भनेको छ । उक्त समयभित्र उपस्थित नभएमा कानूनबमोजिम कारबाही गर्ने चेतावनी अख्तियारले दिएको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४