काठमाडौं - नेपाली कांग्रेसको भ्रातृसंगठन नेविसंघमा कहिल्यै विवाद समाधान नहुने भएको छ । एउटा न एउटा विवाद देखाएर आन्दोलन गर्ने, धर्ना र अनशन दिने काम हुँदै आएको छ ।

जसको असर स्ववियु निर्वाचनमा देखिएको छ । कांग्रेसमा झैं नेविसंघमा पनि दुई तीनवटा समूह छ । एउटाले अर्काको विरोध गर्दै आउने गरेका छन् । अघिल्लो वर्ष कांग्रेसले दुजाङ शेर्पालाई अध्यक्षमा मनोनीत गरेको थियो ।

शेर्पालाई स्थानीय तह, प्रदेश र संघीय निर्वाचन सकिएको तीन महिनामा नेविसंघको महाधिवेशन गराउन निर्देशन दिइएको थियो । तर आजसम्म पनि नेविसंघको महाधिवेशन हुन सकेको छैन ।

बरु शेर्पाले भटाभट आफू निकटलाई जिल्ला सभापति मनोनीत गरे । अध्यक्ष शेर्पाको कार्यशैलीप्रति असन्तुष्टि जनाउँदै नेविसंघका असन्तुष्ट पक्षले पार्टी कार्यालय सानेपामा रिले अनशन सुरु गरेका छन् ।

म्याद सकिसकेको सभापतिलाई खारेज गरी नयाँ पदाधिकारीसहितको विधानसम्मत कमिटी ल्याउनुपर्ने भन्दै नेविसंघ वृहत् सङ्घर्ष समितिले शनिबारबाट रिले अनशन सुरु गरेको हो ।

शेर्पाले स्ववियु निर्वाचनको बेला जथाभावी जिम्मेवारी तोकेको भन्दै ती निर्णयहरू खारेज गर्नुपर्ने माग असन्तुष्ट पक्षले राख्दै आएको छ । उनीहरूले असंवैधानिक सभापतिले गरेको सम्पूर्ण चिठी खारेज हुनुपर्ने, १२औं महाधिवेशनको सुनिश्चित गरिनुपर्ने माग राखेका छन् ।

पार्टी कार्यालय सानेपामा अनशन बस्दै नेविसंघका कार्यकर्ता अंशुल केसीले म्याद सकिसकेको अध्यक्षले संगठन विरोधी काम गरेको र पार्टी दिएको म्यान्डेटअनुसार स्ववियु अधिवेशनको महाधिवेशनको तयारी गर्न नसकेको आरोप लगाएका छन् । नेविसंघका असन्तुष्ट पक्षले अनशन सुरु गरेको आइतबार दोस्रो दिन हो ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

दुजाङ शेर्पाको राजिनामा माग्दै नेविसंघ केन्द्रीय कार्यालय घेराउ 

दुजाङ शेर्पालाई पदमुक्त गर्न माग गर्दै नेविसंघका कार्यकर्ता सानेपामा अनसन बस्ने 

७११ सदस्यीय जम्बो कार्यसमिति बनाइए पनि नेविसंघमा मारामार, विद्रोहको चेतावनी

दुजाङ शेर्पाप्रति असन्तुष्टि जनाउँदै सानेपामा नेविसंघका नेता अनसनमा