माधव नेपालका दुई हस्तीले छाडे पार्टी, एमाले जाने

मिडिया डबली

मंगलवार, चैत्र १४ २०७९

माधव नेपालका दुई हस्तीले छाडे पार्टी, एमाले जाने

काठमाडौं - एकीकृत समाजवादीका दुई ठूला नेताले पार्टी छाडेका छन् ।

उनीहरूले पार्टीको स्थायी कमिटी सदस्यबाट दिएको राजीनामा मंगलबार बसेको एकीकृत समाजवादीको पदाधिकारी बैठकले स्वीकृत गरेको छ ।

पार्टी त्याग्नेमा केदार न्यौपाने र चुडामणि जंगली छन् । न्यौपाने सुरुदेखि नै एमालेसँग मिलेर जानुपर्ने पक्षका थिए । तर पार्टी अध्यक्ष माधवकुमार नेपालले उनको सल्लाह मानिरहेका थिएनन् ।

पार्टीको बैठक र बाहिर पनि न्यौपानेले संगठनको हितविरोधी धारणा राख्ने गर्थे । सोही कारण अध्यक्ष नेपालले राजीनामा मागेपछि उनले राजीनामा दिएका हुन् ।

चुडामणि जंगली भने एमालेको नौ महिने सरकार हुँदा सुकुम्बासी आयोगका अध्यक्ष थिए । उनकै पालामा एमालेले धेरै सुकुम्बासीलाई जग्गा बाँडेर संगठन विस्तार गरेको थियो ।

सोही कारण एमालेको संगठन बलियो बनेको हो । एकीकृत समाजवादी छाडेका न्यौपाने र जंगली चाँडै एमाले प्रवेश गर्ने बुझिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि