काठमाडौं– नेकपाका अध्यक्षद्वय ठ्याम्मै मिलेपछि नेकपा वरिष्ठ नेता माधवकुमार नेपाल भने सचिवालयमा एकाएक रक्षात्मक बनेका छन् । नेकपाले गठन गरेको कार्यदलले दिएको प्रतिवेदनका कतिपय विषयमा असहमत नेपाल त्यसमाथि पनि छलफल गरेर अघि बढ्न तयार भएका छन् ।

स्रोतका अनुसार, नेता नेपालले २०७७ भदौ १८ गते सम्पन्न सचिवालय बैठकमा समग्रमा प्रतिवेदनको विरोध गरेनन् । तर उनले त्यसको कार्यान्वयनमा भने आशंका व्यक्त गरेका छन् ।

कार्यदलको प्रतिवेदनका २१ बुँदाप्रति नेता नेपालले आशंका व्यक्त गरेको स्रोत बताउछ । अध्यक्षद्वयको भूमिकाबारे प्रश्न उज्याएका नेपालले सरकार सञ्चालनमा पार्टीको भूमिकाबारे पनि चासो राखेको बताइन्छ ।

यसअघि सचिवालय बैठकमा नेता नेपाल बहुमतमा रहने गरेका थिए । प्रचण्ड, झलनाथ खनाल, वामदेव गौतम र नारायणकाजी श्रेष्ठ उनीतिर हुने गरेका थिए ।

तर यसपटक भने उनी निकै रक्षात्मक बन्न पुगेको चर्चा नेकपामा छ । स्रोतका अनुसार, प्रतिवेदनका कतिपय विषयमा नेता नेपालले फरक धारणा राखे पनि त्यसको आलोचना र आशंका व्यक्त गर्नेमा उनी एक्लो भएका थिए ।

‘सचिवालयमा सधैं सशक्त देखिएका वरिष्ठ नेता नेपाल यसपटक भने रक्षात्मक रहनु भयो,’ स्रोतले भन्यो, ‘विष्णु पौडेल संयोजकत्वमा गठित कार्यदलले दिएको प्रतिवेदनका कतिपय विषयमा उहा“ले असहमति जनाए पनि नारायणकाजी श्रेष्ठलगायत कुनै पनि नेताले उहाँलाई साथ दिनु भएन ।’

विगतमा माधव नेपालको छवि देश र पार्टीको राजनीतिमा मध्यस्थकर्ता बनेर महत्वपूर्ण भूमिका खेल्ने व्यक्तिका रूपमा थियो । माले, एमालेभित्र मदन भण्डारी, सीपी मैनाली, झलनाथ खनालबीच विवाद हुँदा यिनै नेपालले मध्यस्थताको भूमिका खेलेर मिलाउने गरेका थिए । एमालेको नवौं महाधिवेशनयता भने उनले शैली र भूमिका परिवर्तन गरेको उनीविरोधी नेताहरुको आरोप छ ।

समस्या समाधान गर्ने पुरानो लय बिर्सेर समस्या सिर्जना गर्नेतिर उनको ज्यादा रुचि देखिन थालेको एकथरीको गुनासो रहने गरेको साँघु साप्ताहिकले लेखेको छ। नवौं महाधिवेशनमा केपी ओलीस“ग अध्यक्षमा भएको पराजयको तुस पालेका त होइनन् भन्ने आशंका पनि नेकपाका नेताहरुले व्यक्त गर्ने गरेका छन् । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

नेकपा ओली–प्रचण्डको ‘प्राइभेट कम्पनी’ होइन, चोचोमोचो चल्दैन : माधव नेपाल

प्रचण्डविरुद्ध निर्वाचन आयोगलाई केपी ओलीको पत्राचार, माधव नेपाललाई संकट !

बालुवाटार जग्गा हिनामिनामा पूर्वप्रधानमन्त्री माधव नेपाल पनि तानिने, ओली निकट न्यायाधीश सुनुवाइ गर्दै

प्रचण्डले सिध्याइदिए माधव नेपालको राजनीतिक भविष्य

माधव नेपालविनै एमाले चलाउँछु भन्ने ओली अहिले किन गले ?

माधव पक्षका सांसदले राजीनामा दिने कुनै ग्यारेन्टी छैन, आज साँझसम्म ओली चाल्दैछन् यस्तो स्टेप