काठमाडौं - वर्तमान सरकार लाचार भएपछि संसद् भवनअघि आत्मदाह गरेका इलामका प्रेमप्रसाद आचार्यका दुई सन्तानलाई कांग्रेस नेता मोहनबहादुर बस्नेतले पढाइदिने घोषणा गरेका छन् ।

पूर्वसञ्चारमन्त्री तथा सिन्धुपाल्चोक २ का प्रतिनिधिसभा सदस्य बस्नेतले आइतबार आचार्यका परिवारलाई सिनामंगलमा भेटेर सान्त्वना दिँदै दुई छोरीको पठनपाठनको जिम्मा आफूले लिने बताएका हुन् ।

कांग्रेसका प्रभावशाली नेता बस्नेतले आचार्यकी श्रीमतीलाई रोजगारीको व्यवस्था मिलाउने र छोराछोरीलाई पठनपाठनको जिम्मा आफूले लिएको बताए ।

‘स्व. आचार्यको परिवारलाई सरकारका गृहमन्त्रीले भेटे पनि आचार्यका परिवारले राखेका माग पूरा गर्न सरकारले कुनै ध्यान नदिएपछि मैले रोजगारी र पठनपाठन गरिदिने निर्णय गरेको हुँ’, पूर्वमन्त्री बस्नेतले भने ।

बस्नेतले दीनदुःखी र बेसहारालाई सहयोग गर्दै आएका छन् । भूकम्पपीडित र कोरोनाका बेला सहाराविहीन भएका धेरैलाई बस्नेतले आर्थिक सहयोग गरेका थिए ।

आचार्यका छोराछोरीलाई उच्च शिक्षासम्मको अध्ययनको व्यवस्था गराउन नेपाली कांग्रेस सिन्धुपाल्चोकका नेता एवं अरनिको यातायात सेवा समितिको अध्यक्ष केदार क्षेत्रीलेसमेत सहयोग गर्ने प्रतिबद्धता व्यक्त गरे ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस निकट खेलकुद संघको विवाद अन्त्य

ओलीले चुनाव गरेर गल्ती सच्याउनुपर्छ, काँग्रेस चुनावका लागि तयार छः काँग्रेस नेता मोहनबहादुर बस्नेत

कांग्रेस नेता बस्नेतले भने– राष्ट्रपति केपी ओली गुटको कार्यकर्ता, प्रधानमन्त्री भ्रष्टाचारीका संरक्षक

'कोरोना संक्रमितको उपचारमा होइन, खोपको कमिसनमा ओली सरकार चुर्लुम्म'

एमालेबाट निर्वाचित गाउँपालिका अध्यक्ष कांग्रेसमा प्रवेश, शेरबहादुरलाई ठूलो झट्का

कांग्रेस नेता बस्नेतले गरे विद्यालय भवन उद्घाटन, हेलम्बुमा खुसियाली