काठमाडौं - नेपाली कांग्रेसमा संसदीय दलको नेता छान्ने विषयमा आन्तरिक छलफल तीव्र भएको छ । संस्थापनबाट सभापति शेरबहादुर देउवा, इतर पक्षबाट नेता डा. शेखर कोइराला र महामन्त्री गगन थापा दलको नेताका आकांक्षी छन् ।

महामन्त्री थापाले त निर्वाचनअघि नै दलको नेता बनेर प्रधानमन्त्री बन्ने घोषणा नै गरेका थिए । तर कोइराला भने चुनाव जितेपछि मात्र चर्चामा आएका हुन् । देउवा संस्थापनबाट एक्ला दाबेदार हुन् ।

चुनावका बेला प्रधानमन्त्री बन्छु भन्ने डा.शशांक कोइरालाले संसदीय दलको नेताका लागि दाबी गरेका छैनन् । अहिले उनी मौन छन् । बरु उनले दलको नेतामा देउवा नै उपयुक्त भएको अन्तर्वार्ता दिएका छन् । यसले गर्दा उनी दलको नेताको दौडबाट बाहिरिएका छन् ।

रामचन्द्र पौडेल र प्रकाशमान सिंह चुप छन् । उनीहरूले छलफलसमेत चलाएका छैनन् । महामन्त्री थापा र डा.शेखर कोइराला भने समानुपातिक सूचीमा सांसद बन्नेको टुंगो लागेपछि तीव्र ढंगले अघि बढ्ने मनस्थितिमा छन् ।

दुईमध्ये एकजनालाई दलको नेता बनाउनुपर्ने आवाज इतर पक्षमा जबर्जस्त ढंगले उठेको छ । तर, शेखरले भने आगामी महाधिवेशनलाई मध्यनजर गर्दै दलको नेतामा दाबी नगर्ने भन्दै बालुवाटारबाट प्रचार सुरु भएको छ ।

स्रोतका अनुसार अब बन्ने सरकारमा कोइराला परिवारका दुवै नेता शेखर र शशांकलाई मन्त्री बनाउने गरी देउवाले रणनीति बनाएका छन् । जसमध्ये शेखरलाई परराष्ट्रमन्त्री र शशांकलाई कृषिमन्त्री बनाउने चर्चा चलेको छ ।

यदि त्यसो भएमा संसदीय दलको नेतामा देउवा र थापाबीच भिडन्त हुने निश्चित छ । यसपटक दलको नेतामा पराजित भए पनि अबको कांग्रेस महाधिवेशनमा सभापति र संसदीय दलको नेता बन्ने गगनको चाहनालाई कसैले रोक्न सक्ने अवस्था देखिएको छैन ।

अहिले बालुवाटारले गगनलाई दलको नेता बन्नबाट रोक्न कोइराला परिवारका नेता, अन्य नेताहरूलाई विभिन्न आश्वासन दिइसकेको छ । गगन अघि बढ्दा सबैको राजनीतिक भविष्य नै संकटमा पर्ने भएकाले पौडेल, प्रकाशमान, शेखर, शशांक, कृष्णप्रसाद सिटौला एक हुने भन्दै प्रचार सुरु भएको छ ।

कतिसम्म भने शेखर र शशांकलाई देउवाले अर्को महाधिवेशनमा सभापतिमा सघाउने आश्वासन दिएको स्रोतले बतायो । सोही कारण उपसभापति पूर्णबहादुर खड्का असन्तुष्ट बनेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कम्युनिस्ट सरकार संकटको बेला जनता जोगाउनु भन्दा कुर्सी जोगाउनतिर लाग्यो : कोइराला

शशांकले गरे सभापति लड्ने घोषणा, देउवालाई हराइछोड्ने उद्घोष 

कांग्रेस महामन्त्री कोइराला अस्पताल भर्ना, आइसीयुमा उपचार हुदै

डा. कोइरालाको अबस्थाबारे ओम अस्पतालले जारि गर्यो यस्तो बिज्ञप्ति

अस्पतालको शैय्याबाट कोरोना संक्रमित भएका कोइलाराले दिए यस्तो सन्देश

कांग्रेस महामन्त्री कोइरालाकाे डिस्चार्जबारे आयो यस्तो जानकारी