काठमाडौं - एकीकृत समाजवादीका नेता झलनाथ खनाल अहिले आफू पराजित भएको दोष नेपाली कांग्रेसलाई लगाइरहेका छन् ।

जबकि समानुपातिक मत गन्दा इलाम १ मा एकीकृत समाजवादीभन्दा झन्डै दोब्बर मत कांग्रेसले पाएको छ । झलनाथले २६ हजार मत ल्याउँदा पनि चुनाव हारे । सो क्षेत्रमा एकीकृत समाजवादीले समानुपातिकमा सात हजार मत पाएको छ । कांग्रेसले १६ हजारभन्दा बढी मत पाएको छ । तर, खनाल कांग्रेसलाई नै सत्तोश्राप गरिरहेका छन् ।

झलनाथ खनालकै कारण इलाममा कांग्रेसको साख गुमेको हो । यदि उनको मुख छुच्चो नभएको र स्थानीय तहको निर्वाचनमा कांग्रेसमाथि नानाथरी आरोप नलगाएको भए उनले राम्रै मत पाउँथे ।

स्थानीय तहको निर्वाचनपछि कार्यपालिका र जिल्ला समन्वय समितिको निर्वाचनमा झलनाथले एमालेसँग सहकार्य गरे । इलाम जिससमा एकीकृत समाजवादी र एमालेबीच सहकार्य हुँदा कांग्रेस र माओवादी बाहिरै रहे । अहिले आएर उनी कांग्रेसकै कारण चुनाव हारियो भनेर रुवावासी गरिरहेका छन् ।

चुनाव प्रचारअघि पनि उनी एमालेसँग मिल्नुपर्छ भन्दै भाषण दिन्थे । कांग्रेसको विरोध गर्थे । तैपनि कांग्रेसका कार्यकर्ताले इमान्दार भएर खनाललाई भोट हाले । आफ्नै संगठन कमजोर हुने, एमालेसँग मिल्नुपर्छ भनेर दौडधूप गर्ने अनि अहिले आएर कांग्रेसले हरायो भनेर रुवावासीको गर्नुको कुनै तुक छैन ।

खनालकै दोगला चरित्रका कारण इलाम २ मा कांग्रेसका डम्बर खड्काले चुनाव हार्न पुगे । यदि उनले एमाले र एकीकृत समाजवादी मिल्नुपर्छ भनेर भाषण नगरेको भए, लबिइङ नगरेको भए एक सय १४ मतान्तरले सुवास नेम्वाङलाई रातारात विजयी घोषणा गरिन्नथ्यो ।

चुनावपछि एमालेसँग मिल्ने हो भनेर नै एकीकृत समाजवादीका कार्यकर्ताले भोट नहालिदिँदा कांग्रेसका खड्काले जितेको चुनाव हारे । हारेको चुनाव नेम्वाङले जिते ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

सर्प पाल्ने धन्दाको खतरनाक खुलासा, यसरि पारिदैछ ७२ करोड झवाम् !

नेकपा नेता खनालको स्वास्थ्यबारे आयो यस्तो जानकारी 

पूर्वप्रधानमन्त्री झलनाथ खनाल अस्पताल भर्ना : दुबै फोक्सोमा पानी जम्यो

झलनाथ खनाल डिस्चार्ज

ओलीलाई झलनाथ खनालले पनि साथ छाड्ने संकेत, गरे यस्तो घोषणा

प्रचण्डको लाइनमा झलनाथ खनाल, अध्यादेशबारे दिए यस्तो जबाफ !