काठमाडौं - गत वैशाखमा सम्पन्न स्थानीय तहको निर्वाचनमा काठमाडौं महानगरमा बालेन्द्र साह बालेन, धरानमा हर्कराज साम्पाङ र धनगढीमा गोपाल हमालले स्वतन्त्रबाट जितेपछि मंसिरमा हुने संसदीय निर्वाचनमा स्वतन्त्र उम्मेदवारको लहर नै चलेको छ ।

स्वतन्त्र मत आफ्नो पक्षमा पारेर संसदीय राजनीतिमा पनि धाक जमाउन आइपुगेका रवि लामिछानेले त राष्ट्रिय स्वतन्त्र पार्टी नै गठन गरे ।

काठमाडौं महानगरपालिकाको मेयरमा स्वतन्त्रबाट उम्मेदवारी दिएर १४ हजारभन्दा बढी मत पाएका सुमन सायमीले त हाम्रो नेपाली पार्टी नै गठन गरेर निर्वाचन आयोगमा दर्ता गरे । अहिले उनी त्यही पार्टीबाट चुनाव लडिरहेका छन् ।

उनी अब स्वतन्त्र होइन, दलका उम्मेदवार बनेका छन् । उनकै पार्टीले लौरो अभियान भनेर चुनाव चिन्ह र काठमाडौंका मेयर बालेनको तस्बिर राखेर प्रचार गरेपछि निर्वाचन आयोगले हाम्रो नेपाली पार्टी र बालेनलाई समेत स्पष्टीकरण सोधेको थियो ।

आयोगलाई सोमबार पत्र पठाउँदै बालेनले आफू कुनै पनि दल र अभियानमा संलग्न नरहेको मात्र स्पष्ट पारेनन्, आफ्नो तस्बिर र नाम जोडेर प्रचार अभियान थाल्नेलाई कारबाहीसमेत गरे हुन्छ भनेपछि अहिले लौरो अभियान खुत्रुक्कै भएको छ ।

बालेनको यो पत्रले स्वतन्त्र भन्दै मत आफूतिर तान्नेहरूलाई ठूलो धक्का लाग्ने भएको छ । अब उनीहरूले बालेन, हर्कराज र गोपाल हमालको तस्बिर र नाम प्रयोग गर्न पाउँदैनन् ।

हाम्रो नेपाली पार्टीले बालेनको तस्बिर राख्दै आफ्नो समर्थन हाम्रो पार्टीलाई रहेको र लौरो अभियानलाई जिताउन आग्रह गरेको फ्लेक्स छ्यापछ्याप्ती पारेको थियो । आयोगले सो पार्टीका अध्यक्ष अनन्तराज घिमिरेलाई समेत स्पष्टीकरण सोधेको थियो ।

तर घिमिरेले गोलमटोल जवाफ आयोगलाई दिएका छन् । बालेनको एउटै पत्रले अब उनको नाममा गोरखधन्धा गर्न खोज्ने उत्तानो परेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

स्थापितपछि बालेन शाह पनि विवादमा, आफ्नो सबै गीतमा महिलालाई हेपेको गुनासो

मेयर निर्वाचित भएलगत्तै बालेनले थाले काम, फोहोर व्यवस्थापनबारे दिएको अभिव्यक्तिले सनसनी  !

बालेन, हर्क र गोपाल हमाललाई समर्पित गर्दै सीडी विजय अधिकारीले ल्याए नयाँ गीत (भिडियो)

एक महिना पनि टिकेन बालेनको फूर्तीफार्ती, फोहोर उठाउन नसकेपछि देउवाले बोलाएर दिए यस्तो निर्देशन

काठमाडौंमा सुरुभयो बालेन आतंक! बैठक भत्तामा १ करोड ३८ लाख रुपैयाँ

हुबहु पास भएन बालेनको नीति कार्यक्रम, गर्नुपर्यो झिनाझपेटी  !