काठमाडौं- नेपालमा राजनीतिलाई पेसा बनाउनेको कमी छैन । कुनै व्यापार वा उद्यममा नलागेका दलका नेताहरू आज राजनीति गरेरै राजशी ठाँटमा जीवनशैली बिताइरहेका छन् । सानादेखि ठूला दलका अधिकांश नेताको कुनै उद्यम छैन । तर उनीहरूको रहनसहन, जीवनशैली हेर्ने हो भने कुनै करोडपति व्यापारीको भन्दा कम देखिन्न । त्यही भएर सांसद, मन्त्री बन्न मानिसहरू मरिहत्ते गर्न थालेका हुन् ।

आगामी मंसिर ४ गते हुन गइरहेको प्रदेश र प्रतिनिधिसभा निर्वाचनमा एक सय दुई उम्मेदवार यस्ता छन्, जो गत वैशाखमा सम्पन्न स्थानीय तहको निर्वाचनमा उम्मेदवार बनेका थिए । त्यतिबेला स्थानीय जनप्रतिनिधि बन्न नसकेका उनीहरू अहिले डेढ लाखदेखि साढे सात लाख रुपैयाँ जरिवाना तिरेरै भए पनि सांसदको उम्मेदवार बनेका छन् । 

स्थानीय तहको निर्वाचनमा सहभागी भएर निर्वाचन खर्चको विवरण पेस नगरेका र आगामी निर्वाचनमा सहभागी हुन प्रत्यक्षतर्फ उम्मेदवारी दिएका र समानुपातिकको बन्दसूचीमा परेका १०२ जनाले डेढ लाखदेखि साढे सात लाखसम्म जरिवाना तिरेका हुन् । जसमा विभिन्न महानगरपालिको प्रमुख र उपप्रमुखको उम्मेदवार भएर पराजित भएपछि पनि आगामी प्रतिनिधिसभा र प्रदेशसभाको निर्वाचनमा भाग लिन चाहनेहरू छन् ।

निर्वाचन आयोगका अनुसार गत स्थानीय तहको निर्वाचनका महानगरपालिकाका प्रमुख र उपप्रमुखका उम्मेदवार जगन्नाथ पौडेल, सुमन सायमी, प्रेमसागर कर्माचार्य, प्रह्लादप्रसाद साह, बिना जैसवाल, सुस्मा तामाङ र विनिता मजगैयाले साढे सात लाख जरिवाना बुझाएका हुन् । पौडेल भरतपुर महानगरपालिका प्रमुख र सायमी काठमाडौं महानगरपालिका प्रमुखको उम्मेदवार बनेका थिए । दुवैले १० हजारभन्दा बढी मत ल्याएका थिए । त्यही कारण अहिले उनीहरू प्रतिनिधिसभाका उम्मेदवार बन्न हौसिएका छन् । पौडेलले चितवन ३ र सायमीले काठमाडौं ८ बाट उम्मेदवारी दिएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस भरतपुरमा विद्रोह, पूर्वसांसद पौडेलले मेयरमा उम्मेदवारी दिने

भरतपुरमा माओवादी जिताउन हात धोएरै लाग्यो कांग्रेस, बागी उम्मेदवारलाई फकाउन यस्तोसम्म गर्यो

रेणु विरुद्ध उम्मेदवारी दिएका कांग्रेस नेता पौडेलको घरमा कार्यकर्ताले सुरक्षा दिने, चौतर्फी खैलाबैला

भुइँकटहर चिन्ह लिएर रेणु हराउने तयारीमा पौडेल, खुमलटारमा उथलपुथल

भरतपुमा प्रचण्डकी छोरी पछाडी परेको पर्यै, भुइँकटहरको के छ अवस्था?

भरतपुरमा एकाएक भुइँकटहरले देखायो कमाल, रेणु दाहालको होस उड्यो