काठमाडौं - मधेस प्रदेशमा सिट भागबन्डा गर्न सत्तारुढ गठबन्धनलाई निकै सकस परेको छ । मधेसका आठ जिल्लामा ३२ निर्वाचन क्षेत्र छन् ।

त्यति मात्र होइन, समानुपातिक मत पनि मधेसबाटै दलहरूलाई धेरै आउँछ । किनभने मधेसमा मतदाताको संख्या निकै छ । त्यही भएर सबै दलको नजर मधेस प्रदेशमा परेको हो । यतिबेला नेपाली कांग्रेस, जसपा र लोसपाले मधेसलाई आफ्नो जनाधार भएको क्षेत्र भनेका छन् ।

कांग्रेस स्थानीय निर्वाचनको अंकगणितलाई आधार बनाउन चाहन्छ । मधेसमा कांग्रेस स्थानीय तहमा जस्तै पहिलो शक्ति बन्ने रणनीतिमा छ । स्थानीय निर्वाचनमा मधेसमा जसपा तेस्रो बनेको थियो ।

एक सय ३६ पालिकामध्ये कांग्रेसले ४६, एमालेले ३०, जसपाले २५, लोसपा १४, माओवादीले नौ, एकीकृत समाजवादीले ६, जनमत पार्टीले दुई तथा तराई मधेस लोकतान्त्रिक पार्टी र विवेकशील साझा पार्टी एक–एक र स्वतन्त्रले दुई पालिकामा जित निकालेका थिए ।

संगठन र जनाधार बलियो रहेको मधेसमा धेरै सिट पाउनुपर्ने जसपाको अडान छ । तर, धेरै सिट लिएर लोसपालाई पनि सँगै लिएर जाने कांग्रेसको रणनीति छ । मधेसका आठ जिल्लाका ३२ सिटमध्ये जसपा एक्लैले २० सिटमा दाबी गरेको छ ।

जसपाले अस्वाभाविक दाबी गरेको भन्दै गठबन्धनका अन्य दल यसलाई मान्न तयार छैनन् । गत वैशाखको स्थानीय निर्वाचनमा ठूलो दल भएकाले धेरै सिट आफूले पाउनुपर्ने कांग्रेसको दाबी छ ।

मधेसमा माओवादीले पाँच (०७४ मा जितेका) र एकीकृत समाजवादीले दुई सिट (०७४ मा एमालेले जितेका) मा नजर राखेका छन् । ०७४ को निर्वाचनमा राजपा १०, संघीय समाजवादी फोरम नौ, कांग्रेस ६, माओवादी पाँच र एमालेले दुई सिट हासिल गरेका थिए ।

तर, यसबीचमा भएका एकता र विभाजनपछि संसद्मा मधेसको उपस्थितिको अंकगणितमा फेरबदल आएको छ । जसपाका १० सांसदमध्ये हरिनारायण रौनियार निलम्बित छन भने महिन्द्र राय यादव बाबुराम भट्टराईले गठन गरेको नेसपामा गएका छन् ।

यसबाहेक लोसपाका नौ, कांग्रेसका ६, माओवादीका पाँच र एमालेका दुई सांसद छन् । जसपा अध्यक्ष उपेन्द्र यादवले सार्वजनिक रूपमै सम्मानजनक सिट नभए गठबन्धनको औचित्य नहुने बताएका छन् ।

‘प्रतिनिधिसभाका लागि जसपाले आफ्नो दाबी राखेको छ । यसबारे गठबन्धनमा शीर्ष तहमा छलफल चलिरहेको छ । सम्मानजनक सिट बाँडफाँड नभए गठबन्धन गर्नुको औचित्य छैन,’ बिहीबार उनले भनेका थिए । कांग्रेस र माओवादी भने जसपालाई १५ सिट दिन चाहन्छन् ।

कांग्रेससहित गठबन्धनका अन्य दलको दाबीले मधेसमा आफ्नो सिट घट्ने देखिएपछि जसपाले विकल्पमा जानेसम्मको चेतावनी दिएको छ । जसपा अध्यक्ष यादवले गठबन्धन बैठकमा आफ्नो असन्तुष्टि राखिसकेका छन् ।

उनले सार्वजनिक अभिव्यक्तिमार्फत सम्मानजनक सिट बाँडफाँड नभए गठबन्धन गर्नुको औचित्य नरहेको बताएका छन् । त्यही भएर शनिबारको शीर्ष बैठकमा उपेन्द्र उपस्थित नै भएनन् ।

जसपा स्रोतका अनुसार उपेन्द्र यादव एक्लै चुनावमा जाने मनस्थितिमा छन् । त्यही भएर उनले केही दिनभित्रै बोल्ड डिसिजन लिने तयारी गरेका छन् । यदि उपेन्द्र गठबन्धनबाट अलग भए लोसपासँग कांग्रेसले सहकार्य गर्ने बुझिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

ठाकुर र महतोको सहयोगमा ओलीले देखाए ताण्डव

उपेन्द्र यादवविरुद्ध सर्वाेच्च अदालतमा रिट दर्ता

कहाँ अड्कियो नयाँ मन्त्रीको नियुक्ति ? देउवाकै सामु माधव नेपाल र उपेन्द्र यादवबीच झगडा !

नयाँ मन्त्री नियुक्तिमा ढिलाइ गराउने त्यो डर, यस्तो छ भित्री रहस्य !

उपेन्द्र यादवको पार्टीमा बाबुराम भट्टराई पक्षले विद्रोह गर्ने, जसपा पनि विभाजनको डिलमा

उपेन्द्र यादव र राजेन्द्र लिङ्देनको पार्टीमा राम्रा नेता भेटिएनन्, श्रीमान्–श्रीमती नै मेयर र उपमेयरका उम्मेदवार