काठमाडौं - देश स्थानीय तहको निर्वाचनको माहोलमा छ । चुनावी सरगर्मीले जिल्ला जिल्लामा माहोल तातेको छ । उम्मेदवारी दर्ता भइसके पनि दलबदल गर्ने क्रम रोकिएको छैन । अहिले पनि उम्मेदवार र उम्मेदवारका आकांक्षी नै पार्टी प्रवेश गर्न थालेका छन् ।

यस्तो अवस्थामा सानादेखि ठूला भनिएका पार्टीमा पनि उम्मेदवार हुन योग्य मानिसको खडेरी परेको छ । यस्तै अवस्था देखिएको छ राजेन्द्र लिङ्देन नेतृत्वको राप्रपा र उपेन्द्र यादव नेतृत्वको जसपामा ।

दुवै दलले एकाघरका मात्र होइन, श्रीमान् श्रीमतीलाई नै स्थानीय तहको प्रमुख र उपप्रमुखको उम्मेदवार बनाएका छन् । संखुवासभाको खाँदबारी नगरपालिकामा एउटै पार्टीबाट श्रीमान् श्रीमतीले मेयर उपमेयरमा उम्मेदवारी मनोनयन दर्ता गराएका छन् ।

वैशाख ३० गते हुने पालिका तहको चुनावका लागि खाँदबारी नगरपालिकाको मेयरमा श्रीमान् सीताराम तिम्सिना र उपमेयरमा मैयादेवी चिमोरियाले उम्मेदवारी दर्ता गराएका हुन् । दुवैजनाले समाजवादी पार्टी नेपालको तर्फबाट उम्मेदवारी दिएका हुन् ।

जिल्लामा ठूला पार्टीहरुमा टिकट ल्याउने विषयमा हानथाप र टिकट नदिएकै विषयमा पार्टी छोड्नेदेखि बागी उम्मेदवारी उठिरहेको समयमा तिम्सिना दम्पतीले भने मेयर उपमेयरकै टिकट हात पारेका छन् ।

पूर्वशिक्षक समेत रहेका तिम्सिना जनता समाजवादी पार्टीको संघीय परिषदको केन्द्रिय सदस्यसमेत हुन् । पार्टीले दिएको जिम्मेवारी पूरा गर्न र खाँदबारी नगरपालिकालाई समृद्ध बनाउन आफ्नो उम्मेदवारी रहेको तिम्सिनाको भनाइ छ ।

खाँदबारी नगरपालिकामा मेयर पदका लागि लागि तीनजना स्वतन्त्रसहित नौजनाले उम्मेदवारी दर्ता गराएका छन् । खाँदबारी नगरपालिका मेयरमा पाँच दलीय गठबन्धनबाट साझा उम्मेदवार नेपाली कांग्रेसका महेश थपलिया, उपमेयरमा माओवादी केन्द्रका दिव्यराज बरालको उम्मेदवारी परेको छ । एमालेबाट जितबहादुर घिमिरे र उपमेयर महेश्वराको उम्मेदवारी परेको छ ।

त्यस्तै राष्ट्रिय जनमुक्ति पार्टीका भरत राई र राष्ट्रिय जनमोर्चाका हेमकुमार गुरुङले मेयर पदमा मनोनयन दर्ता गराएका छन् । राष्ट्रिय प्रजातन्त्र पार्टीबाट मेयरमा सोमनाथ खनाल र उपमेयरमा हिरादेवी श्रेष्ठले मनोनयन दर्ता गराएका छन् ।

यस्तै, बर्दियाको राजापुरका एक दम्पतीले राष्ट्रिय प्रजातन्त्र पार्टीबाट नगर प्रमुख र उपप्रमुखमा उम्मेदवारी दिएका छन् । राजापुर–३ चखखापुरका ५४ वर्षीय राममणि उपाध्याय र उनकी श्रीमती ४३ वर्षीया सम्झना उपाध्यायले प्रमुख र उपप्रमुखमा मनोनयन दर्ता गरेका छन् ।

०५४ सालदेखि ०५९ सालसम्म साविक राजापुर गाविसबाट राप्रपाबाट उपाध्यक्षमा निर्वाचित उपाध्याय यसपालि नगरप्रमुख र श्रीमती उपप्रमुख पदका लागि उम्मेदवार बनेका हुन ।

‘उम्मेदवारी दिन कोही पनि तयार नभएको होइन दर्जन बढी महिला उपप्रमुख पदका लागि तयार थिए । तर पार्टीका उच्चस्तरीय र तल्ला कार्यकर्ताको आग्रहमा हामीलाई उम्मेदवार बन्न आग्रह गरेपछि उक्त निर्णय गरेका हौँ,’ उनले बताए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

ठाकुर र महतोको सहयोगमा ओलीले देखाए ताण्डव

उपेन्द्र यादवविरुद्ध सर्वाेच्च अदालतमा रिट दर्ता

कहाँ अड्कियो नयाँ मन्त्रीको नियुक्ति ? देउवाकै सामु माधव नेपाल र उपेन्द्र यादवबीच झगडा !

नयाँ मन्त्री नियुक्तिमा ढिलाइ गराउने त्यो डर, यस्तो छ भित्री रहस्य !

निर्मल निवास राजेन्द्रतिर लागेपछि कमल थापालाई बज्रपात

राजेन्द्र लिङ्देन र रवीन्द्र मिश्रबीच को बढी राजावादी बन्ने प्रतिस्पर्धा