काठमाडौं । नेकपा एमालेका सांसद नवराज सिलवाल फेरि अर्को झमेलामा परेका छन् । मिटरब्याज असुलीको आरोपमा उनीमाथि गृह मन्त्रालयमा उजुरी परेको छ ।

आइजिपी नभएपछि जागिर छाडेर एमालेको राजनीतिमा लागेका सिलवाल विरुद्ध उजुरी परेको स्रोतको दाबी छ। 

उनीविरुद्ध सिन्धुपाल्चोकका सरोज थापाले उजुरी गरेका हुन् । सापटी लिएको पैसा भन्दा तेब्बर बुझाउँदा पनि आफुहरुको जग्गा खाइदिएको भन्दै उनले सिलवामाथि कारबाहीको माग गरी उजुरी दिएका हुन् । सरोजका बुबा गुनबहादुर थापासँग सिलवालकै ठूलो लफडा चलेको थियो । सिलवाल पदमा हुँदा गुनबहादुरलाई उनले लागुऔषधदेखि बैंकिङ कसुरसम्मका मुद्दा चलाएका थिए ।

राजीनामासँगै सिलवालको मिटरब्याजको विवाद हराएको थियो । अहिले गृह मन्त्रालयले छानबिन थालेपछि फेरि यो विवादमा सिलवाल पर्ने भएका छन् । ललितपुरबाट फेरि चुनाव लड्ने तयारीमा रहेका उनलाई मिटरब्याजको झमेलाले सताउने देखिन्छ ।

मिटरब्याजमा ठगी गरेको उजुरी परेको समचार सार्वजनिक भएपछि सिलवाल कांग्रेससँग फायर भएका छन्। उनले चुनावको मुखमा आफ्ना विरुद्ध कांग्रेसले छौडा प्रयोग गरेको बताएका छन्। 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

नवराज सिलवालको बाटोमा सर्वेन्द्र खनाल

करिश्माको ललितपुरमा इन्ट्री हुँदै, सिलवालको दिनगन्ती सुरु