काठमाडौं - यतिबेला सामाजिक सञ्जाल वा मिडियामा काठमाडौं महानगर प्रमुख बालेन्द्र साह बालेन र एमाले सांसद महेश बस्नेतबीच घोचपेच, आरोप प्रत्यारोप सुरु भएको छ ।

नयाँ बानेश्वरस्थित अल्फाबिटा कम्प्लेक्सको अनधिकृत संरचनामा डोजर चलाएकै दिनदेखि महेश बस्नेत बालेनविरुद्ध आक्रमक भएका हुन् । पार्टी निकट व्यवसायी द्विराज शर्माको अल्फाबिटामा डोजर चलाएपछि अरुभन्दा पनि महेश बस्नेतको घरमा पराकम्प गएको छ ।

जबकि एमालेकै ७० करोड काण्डले चर्चित गोकुल बासकोटाले बालेनको कदमको स्वागत गरेका छन् । उनले काठमाडौं महानगर सुन्दर बनाउने बालेनको कदमको प्रंशसा पनि गरेका छन् । तर महेश बस्नेतले भने निकै ठूलो दम्भ देखाएका छन् ।

अल्फाबिटामा डोजर चलाएकोमा विरोध गरेपछि बालेनले महेश बस्नेतलाई आफ्नो घरको नक्सा पास भएको छ कि छैन भनेर प्रश्न गरे । जवाफमा बस्नेतले आफ्नो घरको नक्सा हेर्न सूर्यविनायक नगरपालिकामा काजमा आउन भन्दै हेलोहेंचो गरे ।

जबकि काठमाडौंको मेयर वरीयतामा १०औं स्थानमा छन् । महानगर प्रमुखमाथि यति भनेर मात्र बस्नेत चुप लागेनन्, सार्वजनिक रूपमै उनले बालेनले धेरै व्यक्तिसँग पैसा उठाएको भनेर चरित्रहत्या पनि गरे । जबकि बालेन भ्रष्टाचार गर्नुपर्ने पृष्ठभूमिका युवा होइनन् भन्ने सबैले थाहा पाइसकेका छन् ।

महेश बस्नेत सांसद अपहरणमा मुछिएका, युथ फोर्समा हुँदा प्रहरीमाथि आगो झोसेर चर्चामा आएका व्यक्ति हुन् । उनी आफूलाई भक्तपुरको डन सम्झिन्छन् । तर, यसपटक उनले बालेनसँगको झगडाले ठूलै घाटा बेहोर्नुपर्ने निश्चित छ ।

किनभने बालेनका समर्थकले आगामी संसदीय निर्वाचनमा महेश बस्नेत हराऊ अभियान गर्ने तयारी गरेका छन् । यो अभियानले महेश बस्नेतले सहरी क्षेत्रका सात–आठ हजार मत गुमाउने बताइन्छ । जुन हारको कारण बन्ने देखिन्छ ।

बस्नेत निर्माण व्यवसायी पनि हुन् । एमालेका अध्यक्ष केपी ओलीको शासनकालमा समानान्तर जेभीले अर्बौको निर्माण योजनाको ठेक्का पाएको थियो ।

जुन ठेकेदार कम्पनीमा महेश बस्नेतको धेरै लगानी रहेको एमाले नेताहरू बताउँछन् । त्यही भएर उनी बालेनविरुद्ध नांगो ढंगले प्रस्तुत भएको देखिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

स्थापितपछि बालेन शाह पनि विवादमा, आफ्नो सबै गीतमा महिलालाई हेपेको गुनासो

मेयर निर्वाचित भएलगत्तै बालेनले थाले काम, फोहोर व्यवस्थापनबारे दिएको अभिव्यक्तिले सनसनी  !

बालेन, हर्क र गोपाल हमाललाई समर्पित गर्दै सीडी विजय अधिकारीले ल्याए नयाँ गीत (भिडियो)

एक महिना पनि टिकेन बालेनको फूर्तीफार्ती, फोहोर उठाउन नसकेपछि देउवाले बोलाएर दिए यस्तो निर्देशन

काठमाडौंमा सुरुभयो बालेन आतंक! बैठक भत्तामा १ करोड ३८ लाख रुपैयाँ

हुबहु पास भएन बालेनको नीति कार्यक्रम, गर्नुपर्यो झिनाझपेटी  !