काठमाडौं । नेपाली कांग्रेसका नेता डा. शशांक कोइरालाले आगामी मंसिरमा हुने निर्वाचनमा पूर्वी नवलपरासी–१ बाट उम्मेदवार बन्ने घोषणा गरेका छन्। यस क्षेत्रबाट लगातार ३ पटक निर्वाचित भइसकेका कोइरालाले चौथोपटक उम्मेदवार बन्ने घोषणा गरेका हुन्। 

प्रेस युनियनको हालै सम्पन्न नवौं महाधिवेशनबाट निर्वाचित पदाधिकारीलाई आइतबार कावासोतीमा सम्मान गर्न आयोजित कार्यक्रममा कोइरालाले जिल्लाको विकासका लागि चार योजना अघि सार्दै फेरि उम्मेदवारी दिने निर्णयमा पुगेको सुनाएका हुन्। उनले आफ्नो निर्वाचन क्षेत्रमा अन्तर्राष्ट्रिय स्तरको खेल मैदान, ट्रमा सेन्टर, त्रिवेणीदेखि देवघाटसम्म नारायणीको किनारैकिनार पक्की सडक र विपन्नको जीवनस्तर उकास्न कृषि कार्यक्रम लागू गर्ने प्रतिबद्धता सुनाएका छन्।

‘पूर्वी नवलपरासीलाई उत्कृष्ट जिल्ला बनाउन मैले अघि सारेका यी ४ वटा कुरा पूरा गर्न फेरि चौथो पटक उम्मेदवारी दिने निर्णय गरेको छु। नवलपरासीमा लागू गरिने यी योजनाबाट जिल्लाको कायापलट हुन्छ,’ उनले दाबी गरे।

उनले बीपी अन्तर्राष्ट्रिय खेल मैदानका लागि स्वदेशको बजेटले मात्रै अपुग हुने भएकोले छिमेकी देशका साथीहरुसँग यसबारे छलफल भइरहेको पनि बताए। उनले भने, ‘यो परियोजना नेपाल सरकारको बजेटबाट मात्र सम्भव हुँदैन। त्यसका लागि मेरा भारतीय मित्रहरुसँग कुरा गरेको छु।’ उक्त खेल मैदान निर्माणका लागि अर्थ मन्त्रालयले गैंडाकोट नगरपालिकामा प्रस्ताव गरेर बजेटसमेत विनियोजन गरेको छ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कम्युनिस्ट सरकार संकटको बेला जनता जोगाउनु भन्दा कुर्सी जोगाउनतिर लाग्यो : कोइराला

शशांकले गरे सभापति लड्ने घोषणा, देउवालाई हराइछोड्ने उद्घोष 

कांग्रेस महामन्त्री कोइराला अस्पताल भर्ना, आइसीयुमा उपचार हुदै

डा. कोइरालाको अबस्थाबारे ओम अस्पतालले जारि गर्यो यस्तो बिज्ञप्ति

अस्पतालको शैय्याबाट कोरोना संक्रमित भएका कोइलाराले दिए यस्तो सन्देश

कांग्रेस महामन्त्री कोइरालाकाे डिस्चार्जबारे आयो यस्तो जानकारी