काठमाडौं - स्थानीय निर्वाचनका बेला काठमाडौं जस्तो थियो अहिले त्योभन्दा एकरति फरक देखिएको छैन ।

चुनावका बेला काठमाडौंका सहरमा फोहोरका थुप्रो जस्तो थियो, अहिले त्यो भन्दा बढी थुप्रिएको छ । घटेको छैन । दुई साताभन्दा बढी समयदेखि फोहोर उठ्या छैन । जनता कोठाको फोहोर सडकमा ल्याएर फालेर बस्या छन् ।

प्रशासन मौन छन् । वडाध्यक्ष जति सबै मेयर बालेन्द्र साह बालेनलाई देखाएर काखी बजाएर बस्या छन् । देशकै राजधानीमा रमिता छ । चुनावअघि बालेनले ठूल्ठूला सपना भने बाँडेका थिएनन् । उनले सहरलाई सफा, सुन्दर र व्यवस्थित गर्छु भनेका थिए ।

उनी अहिले पनि प्रयासरत छन्। तर, गर्न चाहेर पनि उनलाई काम गर्न दिइरहेका छैनन् । दिनको संकेत बिहानीले गर्छ भन्छन् । बालेन साहले सपथ लिएको २०७९ जेठ १६ गतेबाट आज २०७९ साउन २२ गते ७० दिन भयो ।

एक सय दिनसम्मलाई ‘हनिमुन डे’ अर्थात् मधुमास भन्ने गरिन्छ । सय दिनसम्म आलोचना गर्नु त्यति राम्रो पनि मानिन्न । तर अहिलेकै अवस्था रहिरहने हो भने बालेनको ‘हनीमुन डे’ कन्तबिजोग देखिने निश्चित छ ।

जुन युवा पुस्ताका लागि राम्रो संकेत होइन । कुनै पनि पार्टीमा राजनीति नगरी सिधै स्वतन्त्र भएर जितेकाले पनि बालेनलाई काम गर्न चुनौती देखिएको हो । उनलाई सपथ खाएकै दिनदेखि काम गर्न विभिन्न शक्तिले दिइरहेका छैनन् ।

यसबीचमा उनले प्रधानमन्त्री शेरबहादुर देउवा, एमाले अध्यक्ष केपी ओली, माओवादी अध्यक्ष पुष्पकमल दाहाल प्रचण्ड, विभिन्न मन्त्रीहरू सबैलाई भेटेर सहयोग गरिदिन आग्रह गरिसकेका छन् । तर, पनि एउटा मेयरले जसरी काम गर्नुपर्ने हो त्यो देखिएको छैन ।

हुन त उमेरका हिसाबले पनि बालेन अझै परिपक्व हुन सकेका छैनन् राजनीतिमा । सबैभन्दा महत्वपूर्ण कुरा त उनले कोर टिम नै बनाउन सकेका छैनन् । यसले पनि बालेनलाई पाँच वर्षे कार्यकाल पूरा गर्न निकै सकस पर्ने देखिन्छ ।

काठमाडौं संघीय राजधानी सहर हो । अन्य मेयरको तुलनामा काठमाडौंका मेयर वरीयतामा पनि माथि, अपेक्षा र चर्चा पनि बढी नै हुन्छ । त्यसैले अहिले सबैको आँखा बालेनले कस्तो काम गर्छन् भन्नेतिर गएको हो ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

स्थापितपछि बालेन शाह पनि विवादमा, आफ्नो सबै गीतमा महिलालाई हेपेको गुनासो

मेयर निर्वाचित भएलगत्तै बालेनले थाले काम, फोहोर व्यवस्थापनबारे दिएको अभिव्यक्तिले सनसनी  !

बालेन, हर्क र गोपाल हमाललाई समर्पित गर्दै सीडी विजय अधिकारीले ल्याए नयाँ गीत (भिडियो)

एक महिना पनि टिकेन बालेनको फूर्तीफार्ती, फोहोर उठाउन नसकेपछि देउवाले बोलाएर दिए यस्तो निर्देशन

काठमाडौंमा सुरुभयो बालेन आतंक! बैठक भत्तामा १ करोड ३८ लाख रुपैयाँ

हुबहु पास भएन बालेनको नीति कार्यक्रम, गर्नुपर्यो झिनाझपेटी  !