काठमाडौं - काठमाडौं महानगरपालिकाले प्रवक्ताको जिम्मेवारी वडा नम्बर १७ का अध्यक्ष नवीन मानन्धरलाई दिएको छ ।

महानगरका मेयर बालेन्द्र साहको अध्यक्षतामा आइतबार बसेको छैटौं कार्यपालिका बैठकले मानन्धरलाई प्रवक्ताको जिम्मेवारी दिने निर्णय गरेको हो । कांग्रेसबाट विजयी भएका मानन्धर महानगरपालिकाको सूचना प्रविधि समितिका संयोजकसमेत हुन् ।

हालै सम्पन्न स्थानीय तहको निर्वाचनमा मानन्धर २७०८ मत पाएर विजयी भएका हुन् । उनका प्रतिस्पर्धी एमालेका मचराजा महर्जनले १४३१ मत प्राप्त गरेका थिए । मानन्धर स्पष्ट वक्ता र हरेक विषयमा पोख्त मानिन्छन् ।

काठमाडौं महानगरपालिकाको कार्यपालिकामा कांग्रेसको बहुमत छ । त्यसैले कांग्रेसकै वडाध्यक्षलाई प्रवक्ताको जिम्मेवारी दिन बालेन साह बाध्य भएका हुन् ।

अघिल्लो पाँच वर्ष महानगरपालिकाको प्रवक्ताको जिम्मेवारी ईश्वरमान डंगोलले निर्वाह गरेका थिए । उनी यसपटक एकीकृत समाजवादीबाट वडाध्यक्षमा निर्वाचित भएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

स्थापितपछि बालेन शाह पनि विवादमा, आफ्नो सबै गीतमा महिलालाई हेपेको गुनासो

मेयर निर्वाचित भएलगत्तै बालेनले थाले काम, फोहोर व्यवस्थापनबारे दिएको अभिव्यक्तिले सनसनी  !

बालेन, हर्क र गोपाल हमाललाई समर्पित गर्दै सीडी विजय अधिकारीले ल्याए नयाँ गीत (भिडियो)

एक महिना पनि टिकेन बालेनको फूर्तीफार्ती, फोहोर उठाउन नसकेपछि देउवाले बोलाएर दिए यस्तो निर्देशन

काठमाडौंमा सुरुभयो बालेन आतंक! बैठक भत्तामा १ करोड ३८ लाख रुपैयाँ

हुबहु पास भएन बालेनको नीति कार्यक्रम, गर्नुपर्यो झिनाझपेटी  !