प्रधानमन्त्री देउवाको घोषणापछि नेविसंघका नेता कार्यकर्तामा उत्साह
प्रधानमन्त्री देउवाको घोषणापछि नेविसंघका नेता कार्यकर्तामा उत्साह
काठमाडौं । प्रधानमन्त्री एवं नेपाली कांग्रेसका सभापति शेरबहादुर देउवाले साउन पहिलो साताभित्रै नेविसंघको कार्यसमितिले पूर्णता पाइसक्ने बताएका छन् । नेपाल विद्यार्थी संघका अध्यक्ष डुजाङ शेर्पाले प्रधानमन्त्री देउवासँग नेविसंघको कार्यसमितिलाई पूर्णता तथा त्रिविमा लगाएको तालाबन्दीबारे आइतबार बालुवाटारमा भएको भेटमा उनले चाँडै नेविसंघले पूर्णता पाउने बताएका हुन् ।
कांग्रेसले नेविसंघको तदर्थ समिति गठन गर्दा अध्यक्ष शेर्पाबाहेक केन्द्रीय पदाधिकारी र सदस्यमा मनोनयन गरेको छैन। भेटमा नेविसंघ केन्द्रीय समिति विस्तार, नेविसंघ सदस्यता वितरण र १२औँ अधिवेशनलगायतका विषयमा छलफल भएको अध्यक्ष शेर्पाले जानकारी दिए।
उनका अनुसार भेटमा नेविसंघको गतिविधि, त्रिभुवन विश्वविद्यालयको बेथिति अन्त्यका लागि उच्चस्तरीय छानबिन समिति गठन गर्ने र संस्कृत विश्वविद्यालयलगायतका विषयमा समेत सभापति देउवालाई जानकारी गराइएको थियो। देउवाले प्रदेश र प्रतिनिधिसभा निर्वाचन आइसकेकाले त्यसअघि नै नेविसंघलाई पूर्णता दिएर चुनावमा परिचालन गरिने बताएका थिए ।
देउवाले नेविसंघले चाँडै पूर्णता पाउने बताएपछि देशभरका नेविसंघका नेता कार्यकर्तामा उत्साह छाएको छ । देउवाले महाधिवेशनबाटै नयाँ नेतृत्व ल्याउन पनि सुझाव दिएको बुझिएको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४