रुपन्देही - बुटवलमा नेपाली कांग्रेसले २०५४ सालदेखि स्थानीय तहको नेतृत्व गुमाउँदै आएको थियो । जुन सयम २५ वर्ष बित्यो ।

एमालेको एकछत्र गढ त्यो पनि नेकपा एमालेका उपाध्यक्ष विष्णुप्रसाद पौडेलको राजनीतिक क्षेत्र बुटवलमा ०७४ सालमा पनि कांग्रेसले फिर्ता लिन सकेको थिए ।

त्यो बेलामा पनि कांग्रेसबाट खेलराज पाण्डे एमालेका जिल्ला पूर्वअध्यक्ष एवं निवर्तमान बुटवल उपमहानगरका मेयर शिवराज सुवेदीसँग ५ हजार मतान्तरले हार ब्यहोरेका थिए ।

तर यसपालि एमालेका तर्फबाट बाबुराम भट्टराईले टिकट पाए । एमालेबाट पात्र फरिए पनि कांग्रेसबाट उनै खेलराज दोहोरिएका छन्।

शिवराजसँग ५ हजार मतले हारेर पाँच वर्षसम्म जनताका घरदैलोमा पुगेका खेलराजले एमालेका उम्मेदवार भट्टराईलाई ०७४ कै मतान्तरले भन्दा धेरैले हराएर जित हासिल गरेका छन् ।

बुटवलको कुल मतदाता संख्या ९० हजार ६५ मध्ये ६३ हजार १ सय १६ मत खसेको थियो । उपमहानगरको मेयरमा नेपाली कांग्रेसका नेता बुटवल नगर सभापति खेलराज पाण्डे निर्वाचित भएका हुन् ।

उनले आफ्ना निकटतम प्रतिद्वन्द्वी मेयरका उम्मेदवार एमालेका नेता बाबुराम भट्टराईलाई धेरै मतान्तरको फरकमा शुरुदेखि नै पछाडि पार्दै आएका थिए ।

खेलराजले ३० हजार १३० मत पाउँदा बाबुरामले २२ हजार ५५९ मात्र मत पाए । उपमेयरमा भने एमालेकी सावित्रीदेवी अर्याल विजयी भएकी छिन् । उनले २० हजार ९०४ मत ल्याउँदा नेकपा एकीकृत समाजवादीका चीनबहादुर गुरुङले १६ हजार ९८० मत मात्र पाए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

स्नातक उत्तीर्ण युवालाई २५ लाखसम्म सहुलियत कर्जा दिइने

बदनाम भइसकेको प्रधानमन्त्री रोजगार कार्यक्रममा १२ अर्ब बजेट