काठमाडौं - एमालेले काठमाडौं महानगरपालिकामा मेयरको उम्मेदवार बनाएका केशव स्थापित विवादै विवादको खानी हुन् भन्ने कुरा उनको पछिल्लो अभिव्यक्तिले पनि पुष्टि गरेको छ ।

सोमबार निर्वाचन अधिकृतको कार्यालयमा मनोनयन दर्ता गरेर फर्केपछि सञ्चारकर्मीसँगको कुराकानीमा उनले भनेका थिए– विवादै भएन भने केशव स्थापित कसरी हुन्छ ? खुलमखुला आफू विवादैविवाद छवि बोकेको व्यक्ति भएको उनले स्वीकार गरेका छन् ।

२५ वर्षपछि पनि देशकै प्रमुख महानगरपालिकामा स्थापितलाई मेयरको उम्मेदवार बनाउनुले एमाले अब नेता उत्पादन गर्न असमर्थ भइसकेको पुष्टि हुन्छ । एमालेबाट पहिलोचोटि मेयर बनेयता स्थापितले सो पार्टी नै परित्याग गरेका थिए ।

उनी राजा ज्ञानेन्द्र शाहको शासनकालमा पनि काठमाडौंको मेयर बनेका थिए । एमाले छाडेपछि उनी नेपाल प्रजा परिषद् प्रवेश गरे । सो पार्टीमा एक दुई वर्ष बिताएपछि त्यो पार्टी पनि परित्याग गरे । त्यसपछि संघीय समाजवादी फोरम गए ।

त्यो पार्टी पनि छाडेपछि उनी फेरि एमाले प्रवेश गरे । त्यसबेलासम्म उनी गाँजा अभियन्ता भइसकेका थिए । एमालेमा रहँदा सबैभन्दा बढी नियुक्ति पाउनेमा स्थापित नै पर्छन् । तर, उनी स्थिर भएका नेता होइनन् ।

काठमाडौंको रैथाने भएको र जे मनमा लाग्यो प्रस्ट भन्न सक्ने खुबी भएकाले पनि एमाले अध्यक्ष केपी ओलीले अहिले फेरि स्थापितलाई मौका दिएका हुन् ।

कांग्रेसबाट निर्वाचित मेयर पिएल सिंहले देशविदेशबाट संकलन गरेर टन्न पैसा राखिदिएपछि र काठमाडौं सहरको योजना तयार पारिदिएपछि मेयर बनेका स्थापितले त्यो पैसा खर्चेका थिए । काठमाडौंको माइतीघर मण्डलामा रहेका डेढ दर्जन घर भत्काएर सडक बनाउनुलाई नै एमालेले स्थापितले महान काम गर्दै आएको प्रचार गर्दै आएको छ ।

सुरुदेखि नै एमालेमा वामदेव गौतम निकट स्थापितले मदन भण्डारीको मृत्युपछि काठमाडौं क्षेत्र नम्बर १ मा भएको उपनिर्वाचनमा कांग्रेस नेता कृष्णप्रसाद भट्टराईलाई हराउन विद्यादेवी भण्डारीको सेतो सारीमा रातो रंग आफूहरूले दलेर कांग्रेसले दलेको प्रचार गराई चुनाव जितेको भनेर मिडियामा अन्तर्वार्ता नै दिएका छन् ।

यस्ता छवि बोकेका स्थापितले आफू मेयर हुँदा एक महिला पत्रकारलाई यौन दुव्र्यवहार गरेको घटना सार्वजनिक भइसकेको छ । सोही काण्डका कारण बागमती प्रदेशका तत्कालीन मुख्यमन्त्री डोरमणि पौडेलले स्थापितलाई मन्त्रीबाटै बर्खास्त गरेका थिए ।

मन्त्रीबाट बर्खास्त भएपछि स्थापित मानसिक रूपमा विक्षिप्त बनेका थिए । त्यसयता उनी गुमनाम भएका थिए । तर, फेरि एमालेले यसपटक उनलाई चर्चामा ल्याइदिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

महिलाको बात लागेर मन्त्री पद गुमाएका स्थापित एमालेबाट काठमाडौंको मेयर उम्मेदवार, एमालेमै आक्रोश

केशव स्थापितप्रति इंगित गर्दै गगन थापाले भने– उनको महिलाप्रतिको दृष्टिकोणले सूर्यमा भोट दिनेले अब सोच्नुपर्छ

काठमाडौँ मेयरका उम्मेदवार केशव स्थापितले स्कुलमै गरे बबन्डर, एमालेनै लाजले भुतुक्क !

ओली र स्थापितको गालीगलौजले काठमाडौंमा कांग्रेसले चारतारे झण्डा गाड्ने !

एमाले उम्मेदवार स्थापितको अर्को आपत्तिजनक बयान, आफूले कुरा खोले पिडितले आत्महत्या गर्ने जिकिर

राजाको मेयर भएका स्थापितको सिर्जना सिंहसँग कसरी तुलना होला ?