काठमाडौं - एमाले नेता गोकुल बास्कोटा फेरि एकपटक आफ्नो अभिव्यक्तिका कारण चर्चामा छन् ।

स्थानीय तहको निर्वाचनको पूर्वसन्ध्यामा बास्कोटाको एउटा भिडियो क्लिप्स सामाजिक सञ्जालमा भाइरल बनेको छ । काभ्रेमा आयोजित एक कार्यक्रममा बास्कोटाले ‘७० करोड मात्र किन ७० अर्ब हानिदिएको हामीले’ भन्ने अभिव्यक्तिको भिडियो सामाजिक सञ्जालमा भाइरल भइरहेको हो ।

उनले भनेका छन्, ‘तपाईंहरू सुन्नुहुन्छ ७० करोड भनेर । अर्ब अर्ब हानिदिएको हामीले । ७० अर्ब के फरक पर्छ । परियोजना जोड्नु नि । व्यक्तिगत हो ? निजी खाइदिएको छ ? निजी खाइदिएको भए यिनको परमादेशी, यिनको अदालत, यिनको जम्मै भएको बेलामा बाटो हिँड्न नदिएर समातेर कुटेर घोचेर कोर्रा हान्छन् नि अरेबियन कन्ट्रितिर, त्यसो गरेर छोड्थे ।

हामीलाई के डर छैन भने हामीले जे गरेका थियौं ठीक गरेका थियौं । त्यही भएर ज्ञानेन्द्र कार्की गएर २२ अर्बको परियोजना अब कतिमा गर्छन् हेर्नु छ नि । अब म यो साल बोल्दिनँ । अर्को साल बोल्छु । त्यो कतिमा गरिस् भनेर ।’

बास्कोटाले सार्वजनिक कार्यक्रममा खुलमखुला भ्रष्टाचार गर्ने बताएपछि चर्चित चलचित्र निर्देशक मनोज पण्डितले आगामी संघीय निर्वाचनमा उनीविरुद्ध चुनाव लड्ने घोषणा गरेका छन् । पण्डितले सामाजिक सञ्जालमार्फत संघीय संसदको चुनावमा एमाले नेता तथा पूर्वसञ्चारमन्त्री बास्कोटाविरुद्ध काभ्रेमा स्वतन्त्र उम्मेदवारी दिने घोषणा गरेका हुन् ।

देशमा खुलमखुला भ्रष्टाचार गरेर पनि छाती फुलाएर हिँड्ने बाँस्कोटा प्रवृत्तिविरुद्ध आउने संघीय संसदको चुनावमा काभ्रे क्षेत्र नम्बर २ बाट आफूले उम्मेदवारी दिने उनले बताए ।

‘राजनीतिलाई घृणित धन्दा र उट्पट्याङ मजाक बनाउने यो राजनीतिज्ञ मेरो क्षेत्र काभ्रे २ बाट संसदीय निर्वाचनमा चुनिएर सञ्चारमन्त्रीसम्म भएको हुँदा यिनको खुलेआम धम्कीले मेरो नागरिकतालाई गिज्याएको अनुभूति भयो र निर्णय गरेँ कि अबको संसदीय निर्वाचनमा म यो असंवेदनशील राजनीतिज्ञविरुद्ध स्वतन्त्र उम्मेदवारका रूपमा उठ्ने छु,’ पण्डितले लेखेका छन्, ‘राजनीतिलाई घृणित धन्दा र उट्पट्याङ मजाक बनाउने यो राजनीतिज्ञ मेरो क्षेत्र काभ्रे २ बाट संसदीय निर्वाचनमा चुनिएर सञ्चारमन्त्रीसम्म भएको हुँदा यिनको खुलेआम धम्कीले मेरो नागरिकतालाई गिज्याएको अनुभूति भयो र निर्णय गरें कि अबको संसदीय निर्वाचनमा म यो असंवेदनशील राजनीतिज्ञको विरुद्ध स्वतन्त्र उम्मेदवारको रुपमा उठ्ने छु ।’

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

गृहमन्त्री थापा विरुद्ध उत्रिए गोकुल बास्कोटा, दिए यस्तो दनक 

अख्तियारले ‘क्लिन चिट’ दिन लागेका गोकुल बाँस्कोटा फेरी मन्त्री बन्दै!

७० करोड प्रकरण : बार्गेनिङ गर्नेलाई पुरस्कृत, सूचना बाहिर ल्याउनेलाई कारबाही

गोकुल बाँस्कोटाको जागिर खाइदिने मिश्रलाई अख्तियारले बोलायो, के हो कारण? 

७० करोड कान्ड : अख्तियारले जारी गर्यो यस्तो पत्र, मान्छेको भागाभाग !

७० करोड काण्ड : बाँस्कोटाको जागिर खाइदिने विजयप्रकाश मिश्रले मुख खोले