हेटौंडा - नेपाली कांग्रेसको जिल्ला अधिवेशन अन्तर्गत आज मकवानपुरमा निर्वाचन हुँदैछ । मकवानपुरको नेतृत्वको लागि ३ जनाले उम्मेदवारी दिएका छन् ।

सभापतिमा बुद्ध लामा, आनन्दराम पराजुली र जयराम लामिछानेले प्यानलसहित उम्मेदवारी दिएका छन् । मकवानपुरको निर्वाचनमा अन्तिम समयसम्म सहमतिको प्रयास गरेपनि सम्भव नभएपछि बागमती प्रदेश सभापति ईन्द्रबहादुर बानियाँले समावेशिताको आधारमा टिम बनाई सहयोग गरेका छन् ।

कार्यवाहक सभापति विष्णु लामिछानेलाई सभापति र सभापतिका आकांक्षी बुद्ध लामा र आनन्दराम पराजुलीलाई उपसभापति र जयराम लामिछानेलाई आगामी चुनावमा उम्मेदवार बनाउने गरि बानियाँले सहमतिक‍ो प्रयास गरेका थिए । .

पार्टीमा लामो त्याग भएका बिष्णु लामिछानेलाई सभापति बनाए सर्वसम्मत हुन दिने बुद्ध लामा र संस्थापन इतरका जयराम लामिछानेले प्रतिवद्धता जनाए पनि निवर्तमान नगरसभापति रहेका आनन्दराम पराजुलीले नमानेपछि बानियाँले समावेशी समूह बनाएका छन् ।

पराजुलीलाई सहमहामन्त्री महालक्ष्मी उपाध्याय डिनाको साथ रहेको छ । बानियाँ र उपाध्याय दुबै केन्द्रमा संस्थापन पक्षका हुन् । सहमतिको प्रयास असफल भएपछि आफ्नो कार्यकालमा झैं बानियाँले समावेशी टिम बनाएका छन् ।

बानियाँको समर्थनमा सभापतिमा बुद्ध लामा, उपसभापतिमा रामबाबु बानियाँ र गोपिलाल विश्वकर्मा, सचिवमा प्रदिप कोइराला र अर्जुनप्रसाद चौलागाईं र सहसचिव अर्जुन तिवारी र ताराचन्द्र बजगाई रहेका छन् भने सदस्यमा पनि समावेशी सिद्धान्त र भौगोलिक क्षेत्रका आधारमा प्रतिनिधित्व रहेको छ ।

जनजातिको बाक्लो बसोबास रहेको मकवानपुरमा तीन दशकपछि तामाङ समुदायबाट कांग्रेस मकवानपुरलाई नेतृत्व गर्ने अवसर मिलेको एक जनजाति अगुवाले जनाए । यसअघि सूर्यबहादुर डिम्डुङ २०४६ अघि कांग्रेस मकवानपुरको नेतृत्व गरेका थिए । त्यस्तै पदाधिकारीमा दलित समुदायको उम्मेदवारी समेत बानियाँले समर्थन गरेको समूहमा रहेको छ ।

यसअघि अघिल्लो अधिवेशनमा पनि बानियाँले आफू सभापतिको उम्मेदवार हुँदा आफ्नो टिममा समावेशी सिद्धान्त अनुसार दलित, जनजाति, पुराना, नयाँ पुस्तालाई समेटेर कार्यकाल सम्पन्न गर्दै मकवानपुरमा कांग्रेसमय बनाएका थिए ।

संसदीय दलका नेता समेत रहेका बानियाँले प्रदेश सरकारमा पनि चेपाङ समुदायबाट पहिलो पटक सन्तबहादुर प्रजालाई राज्यमन्त्री बनाएका छन् भने दलित महिलाबाट कल्पना नेपालीलाई मन्त्री बनाएका छन् ।

बानियाँले सधैं समावेशी सिद्धान्त, त्याग, समर्पण र धैर्यतालाई पार्टी राजनीतिमा विशेष ध्यान दिने गरेको मकवानपुरका कांग्रेसहरूको अनुभव छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

सिन्धुपाल्चोकको विपदमा सरकारले लज्जास्पद काम गर्यो, कांग्रेस नेता बानियाले गरे तीन सय त्रिपाल दिने घोषणा

बागमतीमा कांग्रेसले कम्युनिस्टलाई औकात देखाइदिने, कुपण्डोलमा कांग्रेस सांसदहरूको गोप्य बैठक

मकवानपुरमा एमालेभित्र ठूलो पहिरो, लोकप्रिय नेताहरू कांग्रेसमा प्रवेश, बानियाँद्वारा स्वागत

कांग्रेस बागमती प्रदेशका नेता बानियाँले तीन सय विपन्न परिवारलाई हस्तान्तरण गरे राहत

हेटौडामा पौडेल समुहको लज्जास्पद हार, इन्द्र बानियाँले देखाए कमाल !

मकवानपुर जिल्ला सभापतिमा यी हुन् दाबेदार, इन्द्र बानियाको समर्थन कसलाई ?