काठमाडौं - नेपाली सेनामा ‘चेन अफ कमान्ड’ कडा मानिन्छ । नेतृत्वको निर्देशनविना पात पनि हल्लिन भन्ने गरिन्छ । तर, पछिल्लो समय सेनामा अराजक गतिविधि बढ्न थालेको छ ।

नेपाली सेना जतिजति व्यावसायिक बन्दै गयो, त्यति त्यति अराजकता पनि बढ्न थालेको छ । तल्लो तहका अधिकृत नै भ्रष्ट र अराजक बन्न थालेको विभिन्न घटनाक्रमले पुष्टि नै गरिसकेको छ । हालै मात्र स्थानीयसँग झगडा गरेका नेपाली सेनाका मेजरको जागिर खोसिएको छ ।

कर्णाली चिसापानीमा स्थानीयसँग विवाद गरेका अशोक शाहीलाई सेनाले सेवाबाट हटाएको हो । गत कात्तिक २१ गते राति रक्सी खाएर चिसापानीमा स्थानीयसँग झगडा गरेपछि शाही विवादमा तानिएका थिए ।

लामो छानबिन र अनुसन्धानपछि शाही दोषी देखिएका हुन् । सुदूरपश्चिम तालिम शिक्षालयमा कार्यरत उनलाई सैनिक आचरणविपरीत काम गरेको ठहर गर्दै सैनिक अदालत (कोर्ट मार्शल) ले सेवाबाट हटाउने फैसला गरेको हो ।

पछिल्लो पटक गत २१ कात्तिकमा उनले मादक पदार्थ सेवन गरी ब्यारेकबाट निस्किएर स्थानीय युवासँग झगडा गरेका थिए । कैलालीको चिसापानीस्थित होटल संगममा शाही र होटल सञ्चालक तथा त्यहाँ रक्सी खाइरहेका अन्य युवाबीच झगडा भएको थियो ।

उनले सुरुमा ग्राहकसँग झगडा गरेका थिए । त्यसपछि ब्यारेक फर्किएर हतियारसहित पुनः विवाद गर्न गएका थिए । नेपाली सेनाका उपरथी अनन्त कार्कीले भने प्रधानसेनापति प्रभुराम शर्माविरुद्ध नै उजरी हालेका छन् ।

उनले रक्षामन्त्रीसमेत रहेका प्रधानमन्त्री शेरबहादुर देउवासमक्ष प्रधानसेनापति शर्माले आफूलाई बाइपास गरी कनिष्ठ उपरथीलाई बढुवा गर्न सिफारिस गरेको भन्दै त्यसलाई कार्यान्वयन नगर्न अनुरोध गरेका छन् ।

नेपाली सेनाका जर्नेलले प्रधानसेनापतिविरुद्ध प्रधानमन्त्रीसमक्ष उजुरी दिएको सम्भवतः पहिलो घटना भएको बताइन्छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

यी रहेछन् सेनाभित्रका यौन दुराचारीहरु, गरियो निर्मम कारबाही

सेनाका एक जर्नेल सहित तीन अधिकारीको गयो जागिर, के हो कारण?

प्रधानसेनापति थापा पनि क्वारेन्टाइनमा

विप्लव माओवादीविरुद्ध एक्सनमा उत्रिन सेनालाई निर्देशन

प्रधानसेनापतिले देशभरका प्रमुखलाई दिए यस्तो निर्देशन, बढ्यो सुरक्षा चुनौती !

आज राति बख्तरबन्दसहित नेपाली सेना काठमाडौंका सडकमा निस्किने, यस्तो छ तयारी