काठमाडौ–नेपाली सेनाले एक बिग्रेडियर जनरलसहित तीन सैनिक अधिकारीलाई सेवाबाट बर्खास्त गरेको छ।  समरी जनरल सैनिक अदालतले सम्पत्ति र अनुशासन तथा आचरणसम्बन्धी कसूरमा आइतबार सहायकरथी प्रयोगजङ राणा, महासेनानी (कर्णेल)नवीन सिलवाल र प्रमुख सुवेदार मिठुराम विश्वकर्मालाई सैनिक सेवाबाट बर्खास्त गर्ने निर्णय गरेको हो । 

साथै अदालतले सहसेनानी लक्ष्मीकान्त खनाल, सुवेदार भोजबहादुर विष्ट र जमदार विनोद बस्नेतलाई एक तह घटुवा गर्ने तथा प्राविधिक सहसेनानी फिरोज महर्जन र जमदार भद्रबहादुर शाहीलाई नसिहत दिने फैसला गरेको छ । 

अदालतले बिगो बराबरको रकम निजहरुबाट असुल उपर गर्ने निर्णयसहित फैसला गरेको हो । सहायकरथी राणाले एक करोड ५२ लाख २७ हजार तथा महासेनानी सिलवालले  १५ लाख ७९ हजार रकम हिनामिना गरेको ठहर गरेको छ ।  
 
सैनिक अदालतले पाँचखालस्थित वीरेन्द्र शान्ति कार्य तालिम केन्द्रमा रहँदा सम्पत्ति र अनुशासन तथा आचरणसम्बन्धी कसूर गरेको अभियोगमा दोषी ठहर्याएको हो ।
     
अभियोगमा अनुसन्धानको दायरामा रहेका महासेनानी राजेन्द्रमणि गिरी र लेखा सुवेदार कर्मचारी नवराज पाण्डेलाई भने अदालतले सफाइ दिएको छ । उनीहरु अवकाश पाइसकेका सेनानी हुन् । 
 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

यी रहेछन् सेनाभित्रका यौन दुराचारीहरु, गरियो निर्मम कारबाही

प्रधानसेनापति थापा पनि क्वारेन्टाइनमा

विप्लव माओवादीविरुद्ध एक्सनमा उत्रिन सेनालाई निर्देशन

प्रधानसेनापतिले देशभरका प्रमुखलाई दिए यस्तो निर्देशन, बढ्यो सुरक्षा चुनौती !

आज राति बख्तरबन्दसहित नेपाली सेना काठमाडौंका सडकमा निस्किने, यस्तो छ तयारी

‘नेपाली सेना सडकमा उतारेर ओलीय तानाशाहीको फौजी चरणको पूर्वाभ्यास पो हो कि !’