काठमाडौं – प्रदेश सरकारका मुख्यमन्त्री र मन्त्रीहरूको तलब बढेको छ ।

गण्डकी प्रदेश सरकारले मासिक पारिश्रमिक (तलब) बढाएको हो ।

मुख्यमन्त्री कृष्णचन्द्र नेपाली पोखरेल नेतृत्वको सरकारले केन्द्र सरकारको बजेटलाई कारण देखाएर तलब बढाएको छ । केन्द्रमा प्रधानमन्त्रीदेखि मन्त्रीहरुको सुविधा बढेकाले प्रदेशमा समेत तलब समायोजन गरिएको गण्डकी प्रदेश सरकारका प्रवक्ता तथा भौतिक पूर्वाधार विकासमन्त्री कुमार खड्काले बताएका छन् ।

संघ सरकारले चालू आर्थिक वर्षको बजेटमा सरकारी कर्मचारीको पारिश्रमिक २ हजार रुपैयाँका दरले बढाएको छ । गण्डकी प्रदेश सरकारले समेत मन्त्रिपरिषद्को निर्णयबाट सुविधासम्बन्धी ऐनको अनुसूची सच्याउँदै २ हजार रुपैयाँकै दरमा मासिक पारिश्रमिक बढाएको छ । 

गत वर्ष मुख्यमन्त्री पृथ्वीसुब्बा गुरुङ सरकारका मन्त्रीहरुले समेत चैत महिनामा राजपत्रमा सूचना प्रकाशन गरेर साउनदेखि नै बढेको सुविधा खाएका थिए । 

सरकारका प्रवक्ता खड्काले तलब समायोजन नगर्दा मर्यादाक्रममा प्रभाव पर्ने भएकाले तलब बढाइएको तर्क गरेका छन् । २ हजार तलब मात्रै नबढ्दा सहायक मन्त्रीको हैसियत सांसदको भन्दा तल हुने उनले बताए । मर्यादाक्रमले मन्त्री माथि रहेकाले तलबमान समेत सोही अनुपातमा बढेको र बढाउने प्रचलन रहेको जनाइएको छ ।

गण्डकी प्रदेश सभाले यसअघि नै वर्षे अधिवेशनबाट सभामुखदेखि विपक्षी दलका नेता, सांसदहरुको सुविधा बढाउने ऐन संशोधनसहित पारित गरेको छ । मन्त्रीहरुको सुविधा ऐनको अनूसुची संशोधन गरेर बढाइएको जानकारी दिइएको छ ।

अर्थ मन्त्रालयले निकालेको सूचनामा उल्लेख छ, ‘गण्डकी प्रदेश सरकारले मन्त्रीहरुको पारिश्रमिक तथा सुविधा सम्बन्धी ऐन २०७४ को अनूसुची १ दफा १५ ले दिएको अधिकार प्रयोग गरी सोही ऐनको अनूसुची १ मा देहाय बमोजिम हेरफेर गरिएको छ ।’

संशोधनअनुसार मासिक ७० हजार ७३० रुपैयाँ बुझ्ने गरेका मुख्यमन्त्री कृष्णचन्द्र नेपाली पोखरेलले ७२ हजार ७३० रुपैयाँ मासिक पारिश्रमिक पाउने भएका छन् । ६० हजार ३२० रुपैयाँ पारिश्रमिक पाउने ११ जना मन्त्रीले ६२ हजार ३३० रुपैयाँ पाउने जनाइएको छ ।

प्रदेशका मुख्यमन्त्री र मन्त्रीबाहेक सरकारी बजेटबाट पाउने गरी नियुक्त भएका प्रदेश नीति तथा योजना आयोगका उपाध्यक्ष र सदस्य, मुख्यमन्त्रीका राजनीतिक सल्लाहकार सबैलाई नयाँ तलबमान लागू हुने जनाइएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

गण्डकी प्रदेशमा घिनलाग्दो काम : सांसदहरूले आफ्ना परिवारका सदस्यलाई पनि खुवाए दशैँ भत्ता

अकस्मात सांसदकै अवस्था अज्ञात भएपछि प्रदेशसभामा सन्नाटा

गण्डकी प्रदेशमा एकाएक नाटकीय मोड, पृथ्वीसुब्बा गुरुङको कुर्सी जोगियो

अवस्था अज्ञात भनिएका सांसद आईसीयूमा भर्ना भएको खुलासा

गण्डकीमा एमालेको यति ठूलो षड्यन्त्र, विश्वप्रकाश शर्माले गरे पर्दाफास (प्रमाणसहित)

सांसदलाई अस्पतालमा ‘बन्दी’ बनाइएपछि राजमोले मुख खोल्यो, सरकारको यस्तो षड्यन्त्र !