काठमाडौं – गण्डकी प्रदेशका मुख्यमन्त्री पृथ्वीसुब्बा गुरुङविरुद्ध अविश्वासको प्रस्ताव निर्णयार्थ पेश हुने दिन बुधबार राष्ट्रिय जनमोर्चाका सांसद खिमविक्रम शाहीको अवस्था अज्ञात भएर अस्पतालमा फेला परेकोबारे पार्टीले मुख खोलेको छ ।

राष्ट्रिय जनमोर्चा (राजमो) ले गण्डकी प्रदेशका सांसद खिमविक्रम शाहीको स्थिति सार्वजनिक गर्न सरकारसँग माग गरेको छ । पार्टी उपाध्यक्ष तथा प्रवक्ता दूर्गा पौडेलले बिहीबार प्रेस विज्ञप्ति जारी गर्दै पार्टीका केन्द्रीय नेता र प्रदेशका सांसद जाँदा समेत सांसद शाहीलाई भेट्न नदिइएकोप्रति आपत्ति जनाइएको छ ।

विज्ञप्तिमा उल्लेख छ, ‘उहाँलाई एक प्रकारको बन्दीका रुपमा किन राखियो र त्यसको कारण के हो ?’

गण्डकी प्रदेशको सरकारी प्रयोगशालामा कोरोना परीक्षण गर्दा नेगेटिभ आएपनि शाहीलाई कोरोना पोजिटिभ भनेर अस्पतालको आईसीयूमा राखिएको जनमोर्चाको आरोप छ । 

गण्डकी प्रदेशसभा बैठकमा बुधवार सांसद शाही उपस्थित भएका थिएनन् । मुख्यमन्त्री पृथ्वीसुब्बा गुरुङविरूद्ध अविश्वास प्रस्तावमा जनमोर्चाले मतदान गर्ने निर्णय गरेको थियो । सरकारविरुद्ध मतदान गर्ने सांसद एकाएक हराएर अस्पतालमा भेटिनुलाई सर्वत्र आंशका गरिएको छ ।

शाही प्रदेश सभामा उपस्थित नभएपछि जनमोर्चाले सांसदको खोजी गरिदिन माग गर्दै निवेदन दिएको थियो । राजमोको निवेदनपछि सभामुखले प्रदेशसभा बैठक अनिश्चितकालका लागि स्थगित गरेका थिए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

गण्डकी प्रदेशमा घिनलाग्दो काम : सांसदहरूले आफ्ना परिवारका सदस्यलाई पनि खुवाए दशैँ भत्ता

कांग्रेसको प्रवक्ता बन्न खोज्दै यी कम्युनिस्ट मुख्यमन्त्री !

केपी ओलीको पछि लाग्दा खाइपाई आएको मुख्यमन्त्री पद नै चट् !

मुख्यमन्त्रीको कडा ‘एक्सन’ : अविश्वास प्रस्ताव तयार हुँदै गर्दा प्रदेशसभा अधिवेशन अन्त्य 

ओली गुटमाथि चौतर्फी संकट : शंकर पोखरेलपछि अर्का मुख्यमन्त्रीमाथि आपत !

गण्डकी प्रदेशले आजै कांग्रेसबाट मुख्यमन्त्री पाउने, एमालेका गुरुङ पदमुक्त हुने