काठमाडौं – राजधानी काठमाडौं उपत्यकामा निषेधाज्ञाको समय जेठ ३१ गतेसम्म थप्ने निर्णय गरिएको छ ।

काठमाडौं, भक्तपुर र ललितपुरका प्रमुख जिल्ला अधिकारी (सीडीओ) ले बुधवार निषेधाज्ञा लम्ब्याउने निर्णय गरेका छन् ।

अब जेठ ३१ गतेसम्म उपत्यकामा निषेधाज्ञा लागू हुने भक्तपुरका सीडीओ प्रेमप्रसाद भट्टराईले जानकारी दिए ।

बैशाख १६ गतेबाट जारी निषेधाज्ञालाई निरन्तरता दिँदै जेठ १४ गतेबाट थप कडा गरिएको थियो । जेठ १४ गतेबाट उपत्यकामा बन्द गरिएका खाद्यान्न, किराना तथा डिपार्टमेन्ट स्टोर खोल्न दिने निर्णय आज बुधबार भएको छ । अब किराना र डिपार्टमेन्ट स्टोर बिहान ९ बजेसम्म खोल्न पाइने सीडीओ भट्टराईले जानकारी दिए ।

सीडीओहरूको बैठकमा काठमाडौंका सीडीओ कालीप्रसाद पराजुली, भक्तपुरका सीडीओ प्रेमप्रसाद भट्टराई र ललितपुरका सीडीओ ढुण्डीप्रसाद निरौलाको सहभागिता रहेको थियो ।

बैठकले सार्वजनिक निर्माण कार्यलाई समेत खुला गर्ने निर्णय गरेको छ । सार्वजनिक निर्माण कार्य बन्द हुँदा निर्माण सामग्री ढुवानीका सवारीसाधन पनि रोकिएका थिए । निर्माण सामग्री रातको समयमा मात्र ढुवानी गर्न दिने निर्णय भएको जनाइएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कामठाडौंमा पहिरो : पुरिएर दुईको ज्यान गयो

काठमाडौंमा २ पैदल यात्रुले प्रहरी कुटे

काठमाडौं उपत्यकामा कर्फ्यु !

रथ तान्ने नाममा प्रहरीदेखि पत्रकारमाथि हातपात, फोटोपत्रकार क्लबद्वारा आपत्ति

ट्राफिक प्रहरी कुट्ने ९ जना पक्राउ

नाकामा सेना ! उपत्यका प्रवेशमा कडाइ ?